Arquivo da Emigración Galega (CCG)
Cidade da Cultura de Galicia
Edificio da Biblioteca de Galicia, 1º andar
Monte Gaiás, s/n. CP 15707
Santiago de Compostela
aemigracion@consellodacultura.gal
Tel: +34 881 995 143 | +34 881 995 148
Fondos Orais

Co obxectivo de recuperar a voz dos protagonistas, o Arquivo da Emigración Galega do Consello da Cultura Galega asinou un convenio de colaboración coa Universidade de Santiago de Compostela (USC) para a recuperación da memoria histórica e cultural de Galicia, a través da reprodución dos fondos procedentes do Proxecto Historga.

Este proxecto conserva unha colección de fontes orais resultado do esforzo conxunto de profesores e alumnos da Faculdade de Xeografía e Historia da USC coa colaboración de investigadores individuais e doutras institucións académicas, constituíndose nunha plataforma de recompilación de entrevistas sobre os máis diversos temas, así como de conservación e difusión de coleccións xa creadas.

Hoxe en día comprende unha colección de máis de 1.500 entrevistas, entre as que cabe destacar un importante fondo dedicado aos movementos migratorios da Galicia do último século, que recolle as experiencias dos nosos emigrantes en América e Europa e as migracións interiores, sen esquecer o novo e cada vez máis importante fluxo de inmigrantes cara a Galicia.

Actualmente, o Arquivo da Emigración Galega realiza tarefas de reprodución, catalogación para posíbeis buscas avanzadas e conservación das gravacións dixitalizadas, co fin de pór a disposición de científicos sociais, investigadores e académicos este patrimonio documental.
DESTACADOS
Inauguración da exposición "Luces de Alén Mar" no concello da Baña
A partir do día 3 de novembro estará na Casa da Cultura da Baña, tamén coñecida como a antiga Obra Pía.
Neste concello a pegada da acción filantrópica dos seus emigrantes está presente en tres edificios emblemáticos para os seus habitantes: a xa mencionada Obra Pía, fundada polo indiano Rafael Díaz, a comezos do século XIX; a Casa-escola de Seoane, na parroquia de San Xoán de Barcala, obra da sociedade de instrución "Unión Barcalesa" e o Colexio Cuba, construído pola sociedade habaneira "La Baña y su Comarca".
Promovida polo Consello da Cultura Galega (CCG), a través do seu Arquivo da Emigración Galega, e coa colaboración da Secretaría Xeral de Emigración, "Luces de Alén Mar", continúa o seu percorrido polos concellos galegos para difundir o labor dos nosos emigrantes a prol da educación en Galicia.
Consulta a nosa web e poderás coñecer datos tanto dos edificios escolares como dos seus promotores, que tanto ben fixeron pola formación educativa dos bañenses.
Un mural indiano en Ribadeo
Proxecto de recuperación documental e fotográfica da emigración galega
European migrant diasporas and cultural identities: 26th AEMI Conference
Congreso Santiago, 28 de setembro-1 de outubro de 2016
Ribadeo e o patrimonio dos emigrantes
Documentos, fotografías, obxectos, películas....calquera formato que recolla a historia da emigración serve. O Arquivo da Emigracion Galega recupera este patrimonio no marco dun proxecto que abre novos camiños. Agora, o Concello de Ribadeo abre unha vía permanente para documentar o legado da emigración. Neste folleto tes toda a información.
Céltiga, a revista
A publicación que xuntou a intelectualidade galega residente en Arxentina nos anos 20
Proxecto de recuperación documental e fotográfica da emigración galega.
Campaña de recollida das coleccións particulares dos nosos emigrantes
Epistolarios. Luís Seoane
Entre Arxentina e Galicia, máis de 1600 cartas para coñecer as relacións de Seoane cos intelectuais das súas dúas patrias.
publicacions
O tempo das mareas. María Casares e Galicia. (2016)
Eliseo Pulpeiro. As letras galegas entre dúas ribeiras. (2016)
Rosendo Salvado e o mundo aborixe de Australia (2016)
Galicia Imaxinada (2015)
Ver todas
Últimas NOTICIAS
07/07/2017
O Consello da Cultura Galega recupera material da emigración no marco do Ribadeo Indiano
30/09/2016
A 26 Conferencia Anual da AEMI conclúe coa reivindicación das migracións como elemento clave da Historia da Humanidade
07/06/2016
Posta en marcha no Concello de Ribadeo do Proxecto de recuperación documental e fotográfica da emigración galega
27/11/2015
Morre Xosé Neira Vilas, voz da emigración
05/11/2015
X Ciclo de conferencias organizado pola Cátedra UNESCO 226 sobre Migracións, da Universidade de Santiago de Compostela
23/09/2015
O Consello da Cultura Galega participa na xuntanza anual da Asociación Europea de Institucións Migratorias (AEMI) en Turín
14/11/2014
Un seminario destaca o carácter simbólico do Consello de Galiza, no setenta aniversario da súa creación
11/11/2014
Publicada xa a Guía del nuevo emigrante
07/11/2014
Aberto o prazo de inscrición para o seminario que estuda os exilios ibéricos en clave comparada
20/10/2014
Un seminario do Consello da Cultura pon rostro e cifras ás novas migracións por mor da crise
Consello da Cultura Galega en Facebook Consello da Cultura en Twitter

Identidade | Perfil do contratante | Lei de Transparencia | Aviso Legal | | Pazo de Raxoi, 2º andar - 15705 Santiago de Compostela - A Coruña. Teléfono: +34 981957202 Fax: +34 981957205