Arquivo da Emigración Galega (CCG)
Cidade da Cultura de Galicia
Edificio da Biblioteca de Galicia, 1º andar
Monte Gaiás, s/n. CP 15707
Santiago de Compostela
aemigracion@consellodacultura.org
Tel: +34 881 995 143 | +34 881 995 148
Noticia

A 26 Conferencia Anual da AEMI conclúe coa reivindicación das migracións como elemento clave da Historia da Humanidade

Ramón Villares, presidente do Consello da Cultura Galega e Maddalena Tirabassi, vipresidenta da AEMI, clausuraron o encontro no que destacaron a necesidade de preservar o legado das migracións e a importancia da existencia de institucións que conserven a súa memoria histórica para entender mellor a sociedade contemporánea.

A 26 Conferencia Anual da Asociación de Institucións Europeas de Migración, organizada polo Consello da Cultura Galega, reuniu por primeira vez en Galicia a medio cento de representantes de museos da emigración de toda Europa. José Moya (Barnard College/Columbia University) foi o encargado de impartir a conferencia de clausura cunha reivindicación da migración como parte central na Historia da Humanidade, dende a propia evolución biolóxica do ser humano ata os actuais fluxos migratorios. Baixo o título de Diásporas e identidades culturais nunha perspectiva global, o experto realizou un percorrido polos principais fitos históricos directamente vinculados ao fenómeno migratorio. A evolución biolóxica da especie humana que lle permitiu a ocupación do planeta, o nacemento da agricultura ou a gran diáspora europea son exemplos de migracións que construíron o que hoxe somos. Por tanto, reivindicou, as migracións deben estudarse como parte central e non como elemento secundario da historia. Na actualidade, sinala Moya, os fluxos migratorios mudaron e caracterízanse por un aumento considerable dos fluxos de refuxiados, polas restricións legais aos desprazamentos, polo incremento dos fluxos laborais iniciados por mulleres (particularmente caso de Latinoamérica e Europa do Leste) e pola polarización económica dos fluxos con, por un lado, refuxiados moi pobres e, polo outro, emigrados con recursos e alto nivel de cualificación.

As novas migracións globais

Durante o xoves 29 e o venres 30 expuxéronse un total de 35 comunicacións repartidas en sete sesións que analizaron as novas emigracións en Europa; novas migracións globais; diásporas; identidade e relixión, patróns de comportamento colectivo; transculturalismo e hibridación; museos de emigración e, finalmente, unha sesión dedicada á actual crise europea na emigración, con especial atención á crise dos refuxiados. O encontro reuniu por primeira vez en Galicia a representantes de museos migratorios de Bélxica, Croacia, Alemaña, Inglaterra, Finlandia, Francia, Dinamarca, República de Irlanda, Letonia, Luxemburgo, Holanda, Noruega, Portugal, Polonia, España, Norte de Irlanda, San Marino, Escocia, Eslovenia, Suecia, Australia, Grecia, Estados Unidos, Canadá e Brasil.

O Arquivo da Emigración do Nordfriisk Instituut situado na cidade de Bredstedt (Alemaña) collerá o relevo de Santiago para a celebración da 27 Conferencia Anual da AEMI durante a última semana de setembro de 2017.

O Arquivo da Emigración Galega

O Consello da Cultura Galega forma parte da AEMI dende o ano 2010 co fin de integrar o seu Arquivo da Emigración Galega (http://www.consellodacultura.gal/aeg) nesta rede de traballo para establecer un diálogo cos seus homólogos internacionais e poñer de relevo o extraordinario legado da emigración galega. O Arquivo da Emigración Galega, nacido en 1992 ao abeiro da Sección de Cultura Galega no Exterior, ten entre os seus obxectivos conservar a memoria viva da emigración galega a través da recuperación do seu patrimonio cultural; constituírse como un centro de documentación, investigación e difusión referencial e, finalmente, difundir e promover estudos e investigacións de carácter científico que sirvan para un mellor coñecemento dos distintos aspectos relacionados co fenómeno da nosa emigración.
DESTACADOS
A partir do día 3 de novembro estará na Casa da Cultura da Baña, tamén coñecida como a antiga Obra Pía.
Neste concello a pegada da acción filantrópica dos seus emigrantes está presente en tres edificios emblemáticos para os seus habitantes: a xa mencionada Obra Pía, fundada polo indiano Rafael Díaz, a comezos do século XIX; a Casa-escola de Seoane, na parroquia de San Xoán de Barcala, obra da sociedade de instrución "Unión Barcalesa" e o Colexio Cuba, construído pola sociedade habaneira "La Baña y su Comarca".
Promovida polo Consello da Cultura Galega (CCG), a través do seu Arquivo da Emigración Galega, e coa colaboración da Secretaría Xeral de Emigración, "Luces de Alén Mar", continúa o seu percorrido polos concellos galegos para difundir o labor dos nosos emigrantes a prol da educación en Galicia.
Consulta a nosa web e poderás coñecer datos tanto dos edificios escolares como dos seus promotores, que tanto ben fixeron pola formación educativa dos bañenses.
Proxecto de recuperación documental e fotográfica da emigración galega
Congreso Santiago, 28 de setembro-1 de outubro de 2016
Documentos, fotografías, obxectos, películas....calquera formato que recolla a historia da emigración serve. O Arquivo da Emigracion Galega recupera este patrimonio no marco dun proxecto que abre novos camiños. Agora, o Concello de Ribadeo abre unha vía permanente para documentar o legado da emigración. Neste folleto tes toda a información.
A publicación que xuntou a intelectualidade galega residente en Arxentina nos anos 20
Campaña de recollida das coleccións particulares dos nosos emigrantes
Entre Arxentina e Galicia, máis de 1600 cartas para coñecer as relacións de Seoane cos intelectuais das súas dúas patrias.
publicacions








Ver todas
Últimas NOTICIAS
07/07/2017
O Consello da Cultura Galega recupera material da emigración no marco do Ribadeo Indiano
30/09/2016
A 26 Conferencia Anual da AEMI conclúe coa reivindicación das migracións como elemento clave da Historia da Humanidade
07/06/2016
Posta en marcha no Concello de Ribadeo do Proxecto de recuperación documental e fotográfica da emigración galega
27/11/2015
Morre Xosé Neira Vilas, voz da emigración
05/11/2015
X Ciclo de conferencias organizado pola Cátedra UNESCO 226 sobre Migracións, da Universidade de Santiago de Compostela
23/09/2015
O Consello da Cultura Galega participa na xuntanza anual da Asociación Europea de Institucións Migratorias (AEMI) en Turín
14/11/2014
Un seminario destaca o carácter simbólico do Consello de Galiza, no setenta aniversario da súa creación
11/11/2014
Publicada xa a Guía del nuevo emigrante
07/11/2014
Aberto o prazo de inscrición para o seminario que estuda os exilios ibéricos en clave comparada
20/10/2014
Un seminario do Consello da Cultura pon rostro e cifras ás novas migracións por mor da crise

Consello da Cultura Galega en Facebook Consello da Cultura en Twitter

Identidade | Perfil do contratante | Lei de Transparencia | Aviso Legal | | Pazo de Raxoi, 2º andar - 15705 Santiago de Compostela - A Coruña. Teléfono: +34 981957202 Fax: +34 981957205