Arquivo da Emigración Galega (CCG)
Cidade da Cultura de Galicia
Edificio da Biblioteca de Galicia, 1º andar
Monte Gaiás, s/n. CP 15707
Santiago de Compostela
aemigracion@consellodacultura.gal
Tel: +34 881 995 143 | +34 881 995 148
Investigación

O AEG desenvolve proxectos de investigación que intentan aproximarse ao fenómeno migratorio desde os máis diversos enfoques, cun carácter netamente interdisciplinar.

Entre os proxectos que realizamos actualmente, destacaremos os seguintes:

  • Recuperación dos fondos documentais da emigración galega:
    O AEG está recompilando en diversos formatos a documentación que se conserva nas sociedades de emigrantes galegos co fin de facilitar aos investigadores e interesados o acceso a estes fondos documentais. Actualmente, e en colaboración coa Consellaría de Emigración, este proxecto está centrado na microfilmación e dixitalización dos fondos das sociedades de Cuba, Arxentina e Uruguai.


  • Base bibliográfica da emigración galega
    O obxectivo é realizar unha compilación de toda a produción científica publicada sobre a emigración galega até a actualidade para ofrecer aos investigadores un amplo catálogo de obras sobre esta temática, que recolla os datos bibliográficos das monografías, artigos de revistas, obras colectivas, etc.; descritores temáticos, cronolóxicos e xeográficos; e un breve resumo. No ano 1997 publicouse, en formato CD, unha primeira edición da base que se actualiza permanentemente.


  • Repertorio de prensa galega da emigración
    A finalidade deste proxecto é a recompilación dos diferentes medios xornalísticos publicados ou dirixidos á colectividade galega emigrada. Unha primeira edición deste repertorio foi editada no ano 1998 polo Consello da Cultura Galega e agora preténdese actualizar.


  • Asociacionismo galego na historia
    Esta iniciativa ten como finalidade a elaboración dunha base de datos que conteña información sobre a creación, funcionamento, directivas, actividades, etc. das sociedades de emigrantes galegos que existen no mundo, desde a fundación das primeiras organizacións da colectividade emigrante até a actualidade.


  • Arquitectura escolar dos emigrantes en Galicia
    Este proxecto intenta catalogar todas as construcións escolares financiadas pola colectividade galega na diáspora, primando alén diso a recompilación da documentación sobre a creación e funcionamento destas escolas. Unha primeira fase deste proxecto, que se ampliará ao resto de Galicia, está centrada na provincia de Pontevedra.


  • O exilio galego
    Para recuperar a memoria histórica dos exiliados galegos, o AEG está elaborando un repertorio biobibliográfico do exilio galego. No ano 2001 xa se publicou en formato CD unha obra que baixo o mesmo título pretendía ser unha primeira achega a esta temática. Neste senso estase a colaborar cun grupo de investigación da USC para o estudo específico do exilio en México.


  • A emigración e a cultura popular
    Neste proxecto preténdese recoller a produción literaria, musical e doutras formas culturais que se dan na emigración ou que están condicionadas por esta. Este proxecto, en fase inicial, realiza un baleirado exhaustivo das noticias, propagandas, etc. das publicacións editadas polas sociedades de emigrantes, ademais de recuperar obras literarias, produción cinematográfica, música popular etc. relacionadas coa emigración. Este traballo compleméntase co da profesora arxentina María Rosa Lojo sobre o imaxinario sociocultural da emigración galega en Arxentina.


DESTACADOS
Explora as viaxes da emigración
Especial web// Arquivo da Emigración Galega
Fondos documentais//Novidade
Trátase dun primeiro instrumento de descrición das publicacións conservadas polo Arquivo da Emigración Galega en diferentes soportes (papel, dixitalizadas, microfilmadas, etc.), co fin de facilitar a súa localización aos investigadores e demais interesados na temática emigratoria
Documentos, fotografías, obxectos, películas....calquera formato que recolla a historia da emigración serve. O Arquivo da Emigracion Galega recupera este patrimonio no marco dun proxecto que abre novos camiños. Agora, o Concello de Ribadeo abre unha vía permanente para documentar o legado da emigración. Neste folleto tes toda a información.
A publicación que xuntou a intelectualidade galega residente en Arxentina nos anos 20
Entre Arxentina e Galicia, máis de 1600 cartas para coñecer as relacións de Seoane cos intelectuais das súas dúas patrias.
Últimas NOTICIAS
18/12/2020
O Consello da Cultura Galega sube á rede nova documentación sobre o fenómeno migratorio
09/12/2020
A colección “Clásicos da emigración” suma unha nova obra que amosa a Luís Seoane como poeta
04/12/2020
O Consello da Cultura Galega e a Secretaría Xeral da Emigración lembran o vínculo de Celanova con Cuba na inauguración da mostra “O soño cubano da emigración galega”
11/09/2020
O Consello da Cultura Galega inaugura na Coruña “Inventio mundi”, a mostra que afonda na historia da navegación galega
21/08/2020
O Consello da Cultura Galega colabora na difusión do legado da emigración na terceira edición de Ares Indiano
10/07/2020
A colección “Clásicos da emigración” incorpora unha novela de Antón Paz Míguez
28/06/2020
Poñemos na rede unha edición de "O estatuto de Galiza” no aniversario do seu plebiscito
03/04/2020
O Consello da Cultura Galega amplía a colección Clásicos da emigración con “Cousas gallegas” de Fortunato Cruces
10/01/2020
O Consello da Cultura Galega e a Secretaría Xeral da Emigración reeditan o “Estudio sobre emigración”
10/12/2019
O Consello de Comunidades Galegas insta a poñer en marcha dúas propostas do Consello da Cultura Galega

Consello da Cultura Galega en Facebook Consello da Cultura en Twitter

Identidade | Perfil do contratante | Lei de Transparencia | Aviso Legal | | Pazo de Raxoi, 2º andar - 15705 Santiago de Compostela - A Coruña. Teléfono: +34 981957202 Fax: +34 981957205