DISPOÑIBLE EN

GL
EN
ES

CONTACTAR

ACERCA DE LOIA

Recursos sobre a Lingua Galega

Principais sitios web de interese

  • A Mesa pola Normalización Lingüística

  • Plataforma independente que ten como obxectivo a reivindicación e promoción do uso da lingua galega en todos os ámbitos sociais. Organiza campañas de sensibilización e reivindicación, asesoramento e colaboración con outras entidades que perseguen os mesmos fins.

  • Bibliografía Informatizada da Lingua Galega

  • Base de datos en liña con información bibliográfica sobre traballos de investigación ou divulgación sobre a lingua galega elaborada no seo do Centro Ramón Piñeiro para a Investigación en Humanidades.

  • Centro de Documentación Sociolingüística de Galicia

  • Entidade que se dedica á compilación, clasificación e difusión de documentación especializada en sociolingüística galega e doutras linguas.

  • Centro Ramón Piñeiro para a Investigación en Humanidades

  • Centro que se dedica á promoción e apoio á investigación nas áreas de literatura, lingua galega, tradución, documentación bibliográfica, ciencias sociais...

  • Consello da Cultura Galega

  • Organismo estatutario con personalidade xurídica propia ao que lle compete a defensa e promoción dos valores culturais e lingüísticos do pobo galego. Desenvolve estes obxectivos a través do asesoramento, formación e investigación en todas as áreas que caracterizan o noso patrimonio cultural.

  • Culturagalega.org

  • Portal de divulgación cultural do Consello da Cultura Galega con información e recursos sobre actualidade e lingua galega.

  • Dicionario da Real Academia Galega

  • Dicionario de lingua galega en liña editado pola RAG que contén arredor de 50 000 entradas.

  • é-Galego

  • Curso multimedia de galego de nivel intermedio dirixido a falantes de castelán.

  • Galego.org

  • Sitio web destinado á promoción do idioma galego onde se atopan, entre outros recursos, unha historia da lingua galega, un pequeno vocabulario e unha ampla listaxe de ligazóns a outros moitos webs e recursos lingüísticos de interese. Hai que destacar o servizo de noticias.

  • Instituto da Lingua Galega

  • Centro de investigación, pertencente á Universidade de Santiago de Compostela, especializado no estudo científico da lingua galega. Tamén desenvolve actividades docentes e formativas; asesoramento técnico a institucións e a persoas relacionadas coa normalización lingüística e promoción e defensa do galego.

  • Lexislación da lingua galega

  • Compilación da lexislación lingüística relacionada co galego.

  • Real Academia Galega

  • Institución científica que ten como obxectivo o estudo da cultura galega e en especial a ilustración, defensa e promoción do idioma galego.

  • Secretaría Xeral de Política Lingüística da Xunta de Galicia

  • Organismo adscrito á Consellería de Educación e Ordenación Universitaria da Xunta de Galicia que ten como obxectivo a promoción e ensino da lingua galega.

<Volver