Centro de Documentación Sociolingüística de Galicia (CCG)
Cidade da Cultura de Galicia
Biblioteca de Galicia, 1º andar
Monte Gaiás, s/n
15707 Santiago de Compostela
cdsg@consellodacultura.gal
Tel: +34 881 995 146 | +34 881 995 142
Cursos e congresos

CDSG / NOTICIAS / Cursos e congresos. 21 a 40 de 644
21/02/2020
Formación lingüística para o persoal da Administración autonómica
A Escola Galega de Administración Pública convoca cursos de formación continua para o persoal ao servizo da Administración xeral da Comunidade Autónoma de Galicia, das entidades públicas instrumentais do sector público autonómico e da Administración institucional. Entre a formación programada, ofértanse os seguintes cursos de contido lingüístico: “A calidade da redacción administrativa. Técnicas para unha boa redacción dos documentos administrativos”, “Ferramentas e técnicas para falar mellor en público” e “Redacción de documentos técnico xurídicos en galego”. O prazo de presentación de solicitudes remata o 27 de febreiro de 2020. Para consultar o texto completo da convocatoria, preme aquí.
19/02/2020
Obradoiro para coñecer a potencialidade da voz como ferramenta de comunicación
O Servizo de Normalización Lingüística do Concello de Vigo organiza un obradoiro de voz e comunicación, dirixido a profesionais que empregan a súa voz como ferramenta de traballo. Neste obradoiro, impartido por Esperanza Mara (soprano, comunicadora e mestra), traballaranse contidos relacionados co aparello respiratorio, fonador, resoador e articulatorio; coas diferentes técnicas de comunicación e cos aspectos técnicos do dominio da voz. As sesións terán lugar os días 6, 9, 13, 16 e 23 de marzo de 2020 na Casa da Xuventude de Vigo. A inscrición debe tramitarse a través deste formulario web, indicando no título da actividade “obradoiro de voz”.
12/02/2020
Xornadas de formación do profesorado sobre experiencias educativas normalizadoras
O IES Arcebispo Xelmírez I e o CAFI organizan as xornadas de formación do profesorado “Experiencias na normalización e dinamización do galego. Xornadas Calviño 2020”, que terán lugar os días 3, 4 e 5 de marzo de 2020. Nestas xornadas presentaranse diferentes experiencias de innovación educativa dirixidas ao fomento do uso do galego no ámbito escolar. As sesións terán lugar na Aula Magna do IES Arcebispo Xelmírez I, en Santiago de Compostela. A inscrición debe tramitarse a través da aplicación web de xestión da formación do profesorado da Xunta de Galicia.
10/02/2020
O Concello de Vigo organiza un curso de nivel básico de galego
O Servizo de Normalización Lingüística (SNL) do Concello de Vigo convoca un curso de nivel básico de galego, destinado a persoas de dentro e fóra de Galicia sen apenas coñecementos da lingua galega. As sesións desenvolveranse durante os meses de marzo e abril de 2020. As persoas interesadas deben formalizar a súa inscrición cubrindo o formulario accesible no web do SNL. Para ampliar información sobre as datas de realización e mais o programa do curso, preme aquí.
10/02/2020
Cursos de linguaxe administrativa e xurídica galega
A Escola Galega de Administración Pública publica dúas convocatorias de cursos de linguaxe administrativa e xurídica galega (niveis medio e superior), que se organizarán tanto na modalidade presencial como de teleformación. A primeira das convocatorias, na que se ofertan dous cursos de linguaxe xurídica galega na modalidade de teleformación, está dirixida ao persoal ao servizo da Administración de xustiza que preste servizos fóra de Galicia. Unha segunda convocatoria, onde se ofertan vinte e seis cursos de linguaxe administrativa galega e cinco de linguaxe xurídica galega, está dirixida ao persoal ao servizo das distintas administracións da Comunidade Autónoma de Galicia. Nos dous casos, o prazo de presentacións de solicitudes é de oito días naturais, contados a partir do seguinte ao da publicación das respectivas convocatorias.
05/02/2020
Obradoiro de linguaxe e redacción xurídica en galego
O Servizo de Normalización Lingüística da Universidade de Santiago de Compostela organiza o “Obradoiro de linguaxe e redacción xurídica I”, pensado para ofrecer formación específica aos estudades de Dereito sobre o seu tecnolecto en galego. As sesións desenvolveranse na Facultade de Dereito os días 19, 20, 26 e 27 de febreiro; e 4, 5 e 11 de marzo de 2020. O prazo de matrícula estará aberto ata o 14 de febreiro de 2020. Podes obter máis información sobre os contidos e os trámites de matrícula premendo aquí.
31/01/2020
Novos cursos preparatorios para obter os certificados Celga
A Secretaría Xeral de Política Lingüística da Xunta de Galicia anuncia a convocatoria de cursos de lingua galega preparatorios das probas de acreditación do Celga 1, Celga 2, Celga 3 e Celga 4, tanto na modalidade presencial como de teleformación. Estes cursos poderán ser solicitados por todas as persoas maiores de dezaseis anos ou por aquelas que os fagan no ano 2020. O prazo para a presentación das solicitudes permanecerá aberto ata o 19 de febreiro. Consulta o DOG coa convocatoria oficial premendo aquí. [corrección de erros]
16/01/2020
Curso de habilidades comunicativas dirixido ao alumnado da USC
O Servizo de Normalización Lingüística da Universidade de Santiago de Compostela organiza un Curso de habilidades comunicativas dirixido ao alumnado desta universidade, co obxectivo de ofrecerlle recursos e ferramentas que lle axuden a redactar e defender oralmente os seus traballos académicos. O curso consta de tres módulos diferentes de 25 horas cada un (a redacción científica; falar en público; presentacións dixitais eficientes), e o alumnado pode optar por realizalo completo ou elixir aqueles módulos que lle interesen. Para obter máis información sobre os contidos ou os trámites de matrícula, preme aquí.
19/12/2019
Xornada de debate e reflexión sobre o galego no ensino
A Confederación Intersindical Galega (CIG) e a Asociación Socio-Pedagóxica Galega (AS-PG) organizan a xornada "O galego no ensino. O ensino en galego", que terá lugar o vindeiro 25 de xaneiro de 2020 no IES As Fontiñas, en Santiago de Compostela. Nesta xornada, dirixida aos docentes do ensino non universitario, exporanse os modelos lingüísticos vixentes nos sistemas educativos de Cataluña e o País Vasco, reflexionarase sobre a repercusión do “Decreto do plurilingüismo” na situación actual da lingua galega e poranse en común diferentes experiencias normalizadoras que se están a desenvolver en centros de ensino galegos. O prazo de matrícula remata o 24 de xaneiro de 2020.
25/11/2019
XIII Xornada Xustiza e Lingua
O Servizo de Asesoramento Lingüístico do Colexio de Avogados de Santiago de Compostela, en colaboración coa Secretaría Xeral de Política Lingüística, organiza unha nova edición da Xornada “Xustiza e Lingua, reflexións para a normalización”, que ten como obxectivo promover a reflexión sobre o proceso de normalización lingüística no ámbito xurídico. A sesión terá lugar o vindeiro 27 de novembro de 2019, ás 20:00 h, no salón de actos do Colexio de Avogados compostelán. A matrícula é de balde.
20/11/2019
Escolas Católicas Galicia organiza a XV Xornada de Normalización Lingüística
Escolas Católicas Galicia organiza, coa colaboración da Secretaría Xeral de Política Lingüística e mais do Consello da Cultura Galega, a XV Xornada de Normalización Lingüística, co obxectivo de intercambiar experiencias e recursos didácticos en galego entre o profesorado e os membros dos equipos de dinamización da lingua galega dos centros educativos de Galicia. Nesta edición prestarase especial atención ao aproveitamento didáctico da figura de Ricardo Carvalho Calero, autor homenaxeado no Dia das Letras Galegas 2020. Tamén se difundirán boas prácticas no eido do ensino en galego e achegaranse propostas para mellorar a calidade da lingua no ámbito educativo. A sesión pecharase cunha homenaxe ao relixioso Xosé Francisco Martínez Reboiras. A xornada terá lugar o 29 de novembro na sede do Consello da Cultura Galega, en Santiago de Compostela. O prazo de inscrición remata o 27 de novembro.
29/10/2019
Obradoiro de recollida de cantares de tradición oral
O Servizo de Normalización Lingüística do Concello de Vigo e a A.C.F. O Fiadeiro organizan un obradoiro de recollida de cantares de tradición oral, que será impartido por Xulia Feixoo. As sesións terán lugar os días 11, 12, 18 e 19 de novembro de 2019 no Instituto Municipal de Educación-IME (camiño do Chouzo, 2-seminario 17). A maiores, o 1 de decembro organizarase unha saída a Gargamala (Mondariz) para poñer en práctica o aprendido no obradoiro. As persoas interesadas poden inscribirse de balde cubrindo o formulario en liña que facilita no seu web o Concello de Vigo. Podes ampliar información premendo aquí.
25/10/2019
Curso sobre a cultura, o léxico e a toponimia marítima en Vigo
No marco do programa Meu: coñecéndonos, descubríndonos, o Servizo de Normalización Lingüística do Concello de Vigo organiza o curso “A cultura do mar”, que che permitirá ampliar o teu coñecemento sobre a cultura, o léxico e a toponimia relacionada co mar. O curso inclúe sesións teóricas e prácticas, que se desenvolverán os días 26 e 28 de novembro; e 3, 10, 12, 17 e 19 de decembro de 2019. As persoas interesadas deben realizar a súa inscrición a través do formulario en liña que facilita no seu web o Concello de Vigo.
14/10/2019
VI Xornadas "Educación e linguas en Galicia. 10 anos do Decreto do Plurilingüismo"
A Comisión de Normalización Lingüística da Facultade de Ciencias da Educación e o Servizo de Normalización Lingüística da Universidade de Santiago de Compostela organizan as VI Xornadas "Educación e Linguas en Galicia. 10 anos do Decreto do Plurilingüismo", que terán lugar os días 7 e 8 de novembro de 2019 na Facultade de Ciencias da Educación da USC. Os obxectivos son coñecer o alcance e implementación deste decreto nos centros educativos, valorar a consecución das competencias lingüísticas por parte do alumnado e reflexionar sobre a capacitación lingüística dos futuros profesionais do ensino. O prazo para formalizar a inscrición remata o 5 de novembro de 2019.
11/10/2019
Simposio sobre o papel do neofalante no futuro das linguas minorizadas
O grupo de investigación GRADES da Universidade de Vigo organiza o Simposio internacional “De neofalante potencial a falante activa dunha lingua minorizada”, no que se debaterá sobre o rol do neofalante como suxeito crucial no presente e no futuro das linguas minorizadas. As sesións terán lugar os días 17 e 18 de outubro de 2019 na Universidade de Vigo. Para coñecer o programa completo do simposio ou obter máis información sobre os trámites de inscrición, preme aquí.
10/10/2019
Lingua, patrimonio e coñecemento tradicional
O Instituto da Lingua Galega da Universidade de Santiago de Compostela organiza o simposio “Lingua, patrimonio e coñecemento tradicional”, co obxectivo de poñer en valor o noso patrimonio inmaterial e subliñar a necesidade da súa recollida, protección e desenvolvemento, con especial atención ao patrimonio da Eurorrexión Galicia-Norte de Portugal. As sesións desenvolveranse os días 5, 6 e 7 de novembro de 2019 no Salón de Graos da Facultade de Filoloxía da USC. Esta actividade forma parte da oferta formativa do CAFI para o curso académico 2019/2020. O profesorado que desexe asistir ao simposio ten de prazo para formalizar a súa inscrición ata o 21 de outubro. O resto dos asistentes poden inscribirse ata o 27 de outubro. Podes ampliar información premendo aquí.
20/09/2019
Curso para iniciarse na aprendizaxe do galego en Vigo
O Servizo de Normalización Lingüística (SNL) do Concello de Vigo convoca unha nova edición do curso Achégate ao galego!, dirixido a todas aquelas persoas, de dentro e fóra de Galicia, sen apenas coñecementos do idioma, ou cun dominio básico, que queiran ampliar os seus coñecementos lingüísticos. As sesións desenvolveranse durante os meses de outubro, novembro e decembro de 2019. As persoas interesadas deben formalizar a súa inscrición cubrindo o formulario accesible no web do SNL. Para ampliar información sobre as datas de realización e mais o programa do curso, preme aquí.
18/09/2019
XII Xornadas de recursos educativos en galego
A Comisión de Normalización Lingüística da Facultade de Ciencias da Educación da Universidade de Santiago de Compostela organiza a XII Xornada "Os recursos educativos en galego”, que nesta edición se centrará na educación científica e a conexión coa natureza. O obxectivo é dar a coñecer os recursos educativos existentes en lingua galega nesta área temática e promover a creación doutros novos adaptados ás necesidades contextuais e lingüísticas de Galicia. A xornada terá lugar o 8 de outubro de 2019 no Salón de Actos da Facultade de Ciencias da Educación (Campus Norte). O prazo de matrícula remata o 7 de outubro.
18/09/2019
Curso de literatura de transmisión oral en Vigo
O Servizo de Normalización Lingüística do Concello de Vigo organiza o Curso de literatura de transmisión oral “Somos herdeiros”, dirixido a persoas maiores de 16 anos. O curso, de 20 horas de duración, está deseñado para difundir e poñer en valor o noso patrimonio oral (cantigas, refráns, lendas, contos...). As sesións terán lugar os martes e xoves do mes de outubro no Auditorio Mar de Vigo, de 18:00 a 20:00 horas. A inscrición é de balde. Para ampliar información preme aquí.
17/09/2019
A Mancomunidade de Concellos de Ordes oferta formación para preparar as probas Celga
O SNL da Mancomunidade de Concellos de Ordes organiza sesión formativas para a preparación das probas Celga (niveis 2 e 4) que convocou o pasado 10 de setembro a Secretaría Xeral de Política Lingüística. Estas sesións terán unha duración de 20 horas e desenvolveranse entre o 8 de outubro e o 7 de novembro. Poden asistir todas as persoas interesadas que estean empadroadas nalgún dos concellos da Mancomunidade nos que o SNL presta o seu servizo (Cerceda, Frades, Mesía, Ordes, Tordoia e Trazo). O prazo de inscrición remata o 3 de outubro. Para resolver calquera dúbida ou ampliar información podes contactar co SNL da Mancomunidade.
primeiro Anterior Seguinte Último
Arquivo web: Coordinadora Galega de Normalización e Dinamización Lingüística (2009-2016)
Iniciativa do CCG que ofrece unha colección de sitios web para preservar e garantir o acceso ao patrimonio documental galego en liña.
Loia: Guía aberta á lingua galega
Os elementos fundamentais para iniciarse no coñecemento do idioma galego
Libro de marcadores sociais do CDSG
Libro completo de marcadores, dispoñible para compartir en rede, do que se extrae a selección de referencia que podes consultar en De Bolina
publicacions


Portada de  Informe sobre os arquivos públicos en Galicia. Informe sobre os arquivos públicos en Galicia. (2019)
Dolores Pereira Oliveira. Autoría / Olimpia López Rodríguez. Autoría / Mariám Mariño Costales. Autoría /


Portada de  Mosteiro de Montederramo Mosteiro de Montederramo (2019)
Ramón Lorenzo Vázquez. Autoría / Maka Pérez. Autoría /


Portada de  Repensar Iberia Repensar Iberia (2019)
Teresa Albuquerque. Coordinación / José Luís Ferreira. Coordinación /


Portada de  Antroponimia e lexicografía Antroponimia e lexicografía (2018)
Ana Isabel Boullón. Edición /






Ver todas
Últimas NOTICIAS
09/10/2020
Olla a palabra do día!
09/10/2020
Infografías en galego para a difusión das TIC no eido educativo
08/10/2020
Comeza Filmesturas, o festival de curtas en linguas minorizadas
07/10/2020
A Xunta de Galicia resolve as axudas ás entidades locais para a promoción do galego
07/10/2020
Rinoceronte Editora presenta o seu dicionario castelán-galego en liña
07/10/2020
Curso de improvisación oral en verso
07/10/2020
Novo impulso para o galego na lonxa e na hostalaría redondelás
05/10/2020
Hemeroteca lingüística virtual sobre as diferentes linguas de España
05/10/2020
Curso sobre estratexias de comunicación para SNL
01/10/2020
NUMAX gaña o III Premio Xela Arias

Consello da Cultura Galega en Facebook Consello da Cultura en Twitter

Identidade | Perfil do contratante | Lei de Transparencia | Aviso Legal | | Pazo de Raxoi, 2º andar - 15705 Santiago de Compostela - A Coruña. Teléfono: +34 981957202 Fax: +34 981957205