Centro de Documentación Sociolingüística de Galicia (CCG)
Cidade da Cultura de Galicia
Biblioteca de Galicia, 1º andar
Monte Gaiás, s/n
15702 Santiago de Compostela
cdsg@consellodacultura.gal
Tel: +34 881 995 146 | +34 881 995 142
Fondos

02/04/2012

Os fondos do CDSG proceden das adquisicións, intercambios e doazóns que lle fan ao Centro persoas, entidades e colectivos, tanto públicos coma privados, de dentro ou de fóra de Galicia.

Como usuario/a podes consultar en sala aqueles materiais que non se poden levar en préstamo. Tamén podes acceder directamente aos nosos fondos desde aquí:

Catálogo de Monografías

Catálogo de Publicacións Periódicas

Boletín de Sumarios 2017

TIPOS DE FONDOS

  • Documentación gris

    Documentación non editada, distribuída por canles non convencionais, de carácter técnico: informes, proxectos, memorias... producidos polos diferentes axentes que están traballando a prol da normalización do galego.

    O CDSG é a única entidade na que podes consultar estes materiais, que deixan constancia do importante labor que se está a desenvolver no ámbito da planificación lingüística galega. Serven, ao mesmo tempo, de exemplo e referencia para todas aquelas persoas que se inician nun momento determinado neste tipo de traballos.


  • Lexislación

    Disposicións normativas dos distintos ámbitos de decisión galegos, así como regulamentación internacional e doutras linguas minorizadas. Exemplos desta documentación son as ordenanzas municipais de normalización lingüística, os convenios do sector socioeconómico ou as convocatorias de subvencións.

    O CDSG realiza esta compilación documental a través do baleirado de diferentes fontes de información, como o Diario Oficial de Galicia, o Boletín Oficial e o Diario de Sesións do Parlamento de Galicia, bases de datos en liña e outras publicacións especializadas en lexislación lingüística.


  • Materiais especiais

    Fondos recollidos como resultado das diferentes iniciativas de dinamización lingüística que se desenvolven a prol da lingua galega, ou doutras linguas minorizadas, e que conforman o noso patrimonio sociolingüístico.

    O CDSG ocúpase de conservar e difundir este tipo de documentación, que se presenta en múltiples formatos e soportes: carteis, adhesivos, dípticos, bolígrafos, camisetas, pins, globos, mistos, etc.


  • Monografías

    Traballamos para ofrecer unha colección de sociolingüística galega que adquira o valor de fondo de referencia para especialistas e interesados neste ámbito. Fan parte dela ensaios, estudos, informes, teses e actas de congresos que analizan a situación do idioma galego.

    Ademais da Colección Galicia , contamos tamén cunha Colección Xeral na que se atopa a documentación sobre sociolingüística xeral e outras linguas minorizadas.

    Os fondos de monografías do Consello da Cultura Galega intégranse no catálogo da Rede de Bibliotecas de Galicia.

    Accede ao Catálogo


  • Prensa

    Conservamos novas, artigos de opinión, editoriais e entrevistas con contidos de sociolingüística nos principais xornais galegos; temos ao dispor dos usuarios e usuarias cadernos de prensa desde o ano 1987. Así mesmo, elaboramos monográficos sobre temas de especial relevancia.

    En 2012, o aproveitamento das novas tecnoloxías permitiunos comezar a ofrecer o servizo Lingua en Titulares, un caderno de prensa en liña diario no que compilamos as novas publicadas sobre lingua a partir dunha selección de máis de 30 medios destacados. Actualmente o servizo fica suspendido provisionalmente para estudar como lle afectan os cambios establecidos na Lei de Propiedade Intelectual que se activou o 1 de xaneiro de 2015. Desculpen as molestias.


  • Seriadas

    O CDSG conta nos seus fondos cun total de 468 títulos de publicacións periódicas, que se poden consultar en sala ou levar como préstamo a domicilio no caso de haber varios exemplares dispoñibles.

    A hemeroteca está composta por revistas, boletíns e xornais editados por institucións, organismos oficiais e asociacións. A súa temática adoita estar relacionada coa sociolingüística, pero tamén dispoñemos doutras publicacións de temática diversa que conservamos como mostra, por seren as pioneiras escritas en galego ou noutras linguas minorizadas neses campos.

    Establecemos catro categorías para agrupalas:

    - Sociolingüística: publicacións en curso con contidos de lingua, de sociolingüística galega e doutras linguas minorizadas
    - Publicacións de mostra: revistas de temática diversa recollidas como mostra do que se edita en galego ou noutras linguas minorizadas
    - Revistas escolares: boletíns e xornais elaborados polos centros de ensino ou polos seus equipos de normalización lingüística
    - Publicacións pechadas: publicacións que se deixaron de editar

    Accede ao Catálogo

    Accede ao Boletín de Sumarios 2017


O Delicious do CDSG
Libro completo de marcadores, dispoñible para compartir en rede, do que se extrae a selección de referencia que podes consultar en De Bolina
A Nosa Fala
Bloques e áreas lingüísticas do galego. Trátase dun audiolibro con textos de diferentes xeracións de falantes, rexistrados entre mediados dos anos 70 e mediados dos 90 do pasado século.
publicacions
Portada de  cultura galega no século XXI¬A cultura galega no século XXI¬A (2017)
Carlos Casares. Autoría /


Portada de  Estudos sobre o cambio lingüístico no galego actual Estudos sobre o cambio lingüístico no galego actual (2017)
Elisa Fernández Rei. Edición / Xosé Luís Regueira. Edición /


Portada de  laranxas máis laranxas de todas as laranxas¬As laranxas máis laranxas de todas as laranxas¬As (2017)
Carlos Casares. Autoría /


Portada de  Prácticas e actitudes lingüísticas da mocidade en Galicia Prácticas e actitudes lingüísticas da mocidade en Galicia (2017)
Rosario Álvarez Blanco. Coordinación /


Portada de  Textos científicos en galego Textos científicos en galego (2016)
Francisco Díaz-Fierros Viqueira. Dirección / Alfonso Mato. Coordinación /


Portada de  lingua galega no solpor medieval¬A lingua galega no solpor medieval¬A (2016)
Ramón Mariño Paz. Edición / Xavier Varela. Edición /


Portada de  comunicación en Galicia 2015¬A comunicación en Galicia 2015¬A (2016)
Xosé López García. Coordinación / Rosa Aneiros. Coordinación /


Ver todas
Últimas NOTICIAS
25/04/2018
XV Premio Luísa Villalta a Iniciativas Normalizadoras
25/04/2018
Queremos Galego reivindica o dereito a vivir en galego día a día
24/04/2018
Formación lingüística para o persoal da Administración autonómica
23/04/2018
Resolución definitiva das axudas para SNL da provincia da Coruña
16/04/2018
Homenaxe para os/as nenos/as que falan galego "porque lles peta"
16/04/2018
O CCG analiza a relación entre lingua, medios públicos e dobraxe
11/04/2018
Subvencións para a distribución de contidos audiovisuais en galego na provincia da Coruña
03/04/2018
Axudas a entidades culturais da provincia de Pontevedra para a promoción do galego
02/04/2018
Lingua, música e mocidade volven xuntarse en Ferrol
02/04/2018
Axudas ás entidades locais para a promoción do galego

Consello da Cultura Galega en Facebook Consello da Cultura en Twitter

Identidade | Perfil do contratante | Lei de Transparencia | Aviso Legal | | Pazo de Raxoi, 2º andar - 15705 Santiago de Compostela - A Coruña. Teléfono: +34 981957202 Fax: +34 981957205