Centro de Documentación Sociolingüística de Galicia (CCG)
Cidade da Cultura de Galicia
Biblioteca de Galicia, 1º andar
Monte Gaiás, s/n
15707 Santiago de Compostela
cdsg@consellodacultura.gal
Tel: +34 881 995 146 | +34 881 995 142
Noticia

03/12/2021
Os encontros para a Normalización Lingüística recomendan promover o galego mais alá do ámbito familiar

Os datos apuntan que esmorece a socialización en galego na infancia. Sábese tamén que a familia non é suficiente para garantir a continuidade da lingua. Con esa realidade, cómpre que se empregue e transmita tamén noutros contextos coma o social e o escolar. Por iso, nas conclusións dos XXIII Encontros para a Normalización Lingüística organizados polo Centro de Documentación Socioligüística de Galicia (CDSG) do Consello da Cultura Galega (CCG), apuntan á necesidade de incentivar o uso do galego en actividades como comedores, actividades extraescolares, viaxes educativas, programa de madrugadores, entre outros aspectos do eido escolar, ademais de reforzar os contidos de lecer. O documento xa está dispoñible para descarga no web do CCG.

“En contextos sociolingüísticos como o galego, a transmisión da lingua no núcleo familiar non é condición suficiente para garantir o obxectivo da continuidade xeracional. Cómpre que se empregue e se transmita tamén nos outros contextos que rodean os nenos e nenas, que son fundamentalmente o escolar e o social”. Esta é a realidade que se deduce a partir das intervencións (telemáticas e presenciais) dunha ducia de expertos que participaron no encontro que se desenvolveu no Consello da Cultura Galega os días 25 e 26 de outubro (de maneira telemática) e 4 de novembro (presencial). Estaba coordinada por Rosario Álvarez, David Cobas Medín, Xosé Gregorio Ferreiro Fente, Ana Iglesias Álvarez, Manuel Maseda Deán, Susana Mayo Redondo, Bernardo Penabade Rei, Xusto A. Rodríguez Río, Bieito Silva Valdivia, Anxos Sobriño Pérez e Marta Souto González e levaba por título “Desde o berce: a transmisión interxeracional da lingua galega”. Nela intercambiaron información, datos, experiencias e recursos arredor da perda da transmisión entre xeracións. Ao fío das intervencións presentaron un documento de conclusións que xa está dispoñible no web da institución.

As medidas propostas
Nelas propoñen unha serie de medidas que “deberían ser tomadas en consideración de cara a fortalecer o proceso de socialización en lingua galega da infancia”. A primeira está dirixida ás administracións para que convertan a rede escolar de titularidade pública nun axente activo de socialización en galego e piden que “o galego sexa a lingua principal do profesorado no período 0-6 anos e reimplantando programas voluntarios de ensino en galego”. Argumentan que eses espazos que xa existiron no ámbito privado e que hai iniciativas privadas que se están a desenvolver con éxito. Ademais, “cómpre facer chegar ás familias as evidencias dispoñibles sobre as vantaxes cognitivas do plurilingüismo, e a realidade de que o galego só estará no repertorio plurilingüe dos falantes se se parte del como substrato sobre o que engadir os demais idiomas. Entre as conclusións destaca a necesidade de “promover a creación e a difusión de recursos e contidos para o lecer, tanto individual coma social, en galego; nomeadamente, todos os que teñen que ver co mundo audiovisual e coas redes sociais.”

Apoiar os esforzos da familias galegofalantes, favorecer o crecemento e a viabilidade dos proxectos empresariais, promover a inclusión do galego nas actividades de lecer, e colaborar coas ANPA para desenvolver o galego son outras das medidas propostas.
Arquivo web: Coordinadora Galega de Normalización e Dinamización Lingüística (2009-2016)
Iniciativa do CCG que ofrece unha colección de sitios web para preservar e garantir o acceso ao patrimonio documental galego en liña.
Loia: Guía aberta á lingua galega
Os elementos fundamentais para iniciarse no coñecemento do idioma galego
Libro de marcadores sociais do CDSG
Libro completo de marcadores, dispoñible para compartir en rede, do que se extrae a selección de referencia que podes consultar en De Bolina
publicacions


Portada de  Informe sobre os arquivos públicos en Galicia. Informe sobre os arquivos públicos en Galicia. (2019)
Dolores Pereira Oliveira. Autoría / Olimpia López Rodríguez. Autoría / Mariám Mariño Costales. Autoría /


Portada de  Mosteiro de Montederramo Mosteiro de Montederramo (2019)
Ramón Lorenzo Vázquez. Autoría / Maka Pérez. Autoría /


Portada de  Repensar Iberia Repensar Iberia (2019)
Teresa Albuquerque. Coordinación / José Luís Ferreira. Coordinación /


Portada de  Antroponimia e lexicografía Antroponimia e lexicografía (2018)
Ana Isabel Boullón. Edición /






Ver todas
Últimas NOTICIAS
27/01/2022
Unidade didáctica sobre o tema Terra das Tanxugueiras
26/01/2022
Xornadas en Vigo sobre recursos educativos en galego
26/01/2022
Accesible en liña o Boletín de Sumarios do CDSG de 2021
26/01/2022
Curso de química en galego baseado en prácticas de laboratorio
25/01/2022
Curso sobre o deseño e desenvolvemento de proxectos de normalización lingüística
25/01/2022
Estudo toponímico do concello da Pontenova
24/01/2022
A Mancomunidade de Ordes ofrece dous cursos de lingua galega
24/01/2022
Boletin Sumarios 2021
21/01/2022
Wordle está en galego
20/01/2022
Incorpórase a entrada de Francisco F. del Riego ao Álbum de Galicia

Consello da Cultura Galega en Facebook Consello da Cultura en Twitter

Identidade | Perfil do contratante | Lei de Transparencia | Aviso Legal | | Pazo de Raxoi, 2º andar - 15705 Santiago de Compostela - A Coruña. Teléfono: +34 981957202 Fax: +34 981957205