• slidebg1
    HISTORIAS DE IDA E VOLTA
    Memoria e voces femininas da diáspora galega

Memoria e voces femininas da diáspora galega

O pasado día 8 de marzo celebrouse, un ano máis, o Día Internacional da Muller. Aínda hoxe, en pleno século XXI, é preciso continuar coa loita polos dereitos da muller. No mundo actual, tan convulso, continúan, desde os países máis desfavorecidos, os desprazamentos de homes e mulleres para sobrevivir ou en busca dunha vida mellor. Neste especial, o Arquivo da Emigración Galega (AEG) quere dar a coñecer a experiencia migratoria das galegas que no pasado século protagonizaron a diáspora cara a outros países.
Elas emigraron, ben xunto cos seus pais, homes ou fillos, ou ben soas, na busca de novas oportunidades laborais, económicas e de liberdade. En América e nos países europeos industrializados traballaron, formáronse e integráronse nunhas sociedades que lles ofrecían máis posibilidades de acadar os seus soños. Nun proceso tan longo no tempo e tan espallado no espazo, a súa situación foi dispar, pero amosaron o seu pulo e loita para mellorar a súa situación, reunir uns aforros, formar unha familia, educar os seus fillos..., sen esquecer a súa terra natal e os que aquí quedaron. Sempre co pensamento posto nun retorno a Galicia que en moitas ocasións non lograron.
Hoxe toca darlles visibilidade a algunhas desas protagonistas que no seu tempo acadaron sona pola súa traxectoria vital e profesional, pero que non son suficientemente recoñecidas. Son galegas –nacidas en Galicia ou na emigración– que, por amor a terra, defenderon a nosa cultura e identidade fóra das nosas fronteiras e llelas transmitiron ás novas xeracións. Foron escritoras, xornalistas, artistas, educadoras, científicas... ou esposas e compañeiras de vida de intelectuais e políticos galegos que destacaron grazas ao seu apoio.
Con elas homenaxeamos a todas as mulleres galegas emigrantes ou exiliadas. Recuperar a súa memoria e difundila na nosa sociedade é unha das tarefas do AEG. A quen lle interese coñecer máis información sobre elas ou sobre outras moitas mulleres salientables pode consultar na web do CCG o Álbum de Galicia.

COLABORA CON ESTE PROXECTO

Andrea López Chao, unha mestra galega en Cuba a prol da educación e do progreso da muller, 1923

Non é posible ver o documento no teu navegador. Podes descargalo aquí.

Anisia Miranda, unha vida chea de literatura. Bos Aires, 1959
<cite>A Bella Otero</cite> (Valga 1868 - Niza 1965). A raíña valguesa da escena

Non é posible ver o documento no teu navegador. Podes descargalo aquí.

Maruxa Mallo (Viveiro 1902 - Madrid 1995). Figura intensa e orixinal de vangarda da preguerra
Maruxa Villanueva (A Barrela-Carballedo, 1906 - Santiago de Compostela, 1998)
Maruxa Boga e Clotilde Iglesias nunha homenaxe a Castelao no Teatro Bambalinas de Bos Aires, xullo de 2000
Virxinia Pereira Renda. Muller de ideas propias,  confidente de pensamentos e ideais
María Casares, símbolo e referente do exilio galego, en 1957
María Valverde. Unha das grandes voces líricas da nosa terra
Ana Kiro (A Castañeda-Arzúa, 1942 – Mera 2010)
Maruxa Seoane, compañeira de vida e obra de Luís Seoane, 1962
Elsa Fernández. A defensa da cultura galega das novas xeracións da emigración
Pura Vázquez, mestra e poetisa (Ourense, 1918 - 2006)
Mariví Villaverde, memoria do exilio galego,  ca. 1979
Iolanda Díaz Gallego, sempre en movemento pero coa mente en Galicia
Antía Cal. Mestra e pedagoga vocacional
Ánxeles Alvariño. O legado científico dunha pioneira galega, precursora na investigación oceanográfica mundial
Nélida Piñón. Escritora e xornalista orgullosa da súa   proxenie galega

Axúdanos a recuperar o patrimonio documental

Proxecto de recuperación documental e fotográfica da emigración galega Campaña de recollida das coleccións particulares dos nosos emigrantes.

Erro: Comproba os campos!
Arquivo da Emigración Galega

Carolina García Borrazás: +0034 881 995 148
Teresa García Domínguez: +0034 881 995 143
aemigracion@consellodacultura.gal


As imaxes e documentos que aquí se expoñen forman parte do patrimonio fotográfico e documental que se conserva e salvagarda no Arquivo da Emigración Galega. Moitos deles proceden de coleccións particulares que a cidadanía puxo á disposición da sociedade a través do Consello da Cultura Galega; teñen un gran valor informativo e incrementan o coñecemento sobre os procesos migratorios en Galicia.

Instrucións para colaborar

O indiano José García Barbón e a súa acción filantrópica

Ver seguinte