• slidebg1
    HISTORIAS DE IDA E VOLTA
    100º Aniversario da ABC del Partido de Corcubión

100º Aniversario da ABC del Partido de Corcubión

O 26 de agosto de 1922 un grupo de emigrantes naturais dos concellos do partido xudicial de Corcubión que residían en Bos Aires reuníronse para constituír unha asociación con fins agraristas e instrutivos. Liderados por Antonio Díaz Novo, Manuel Areas Blanco, Ricardo Montero, Benigno Vieites, Domingo Traba, José Quintáns Pazos e Casto M. Insua, entre outros, fundaron a Sociedad Agraria y Cultural Hijos del Partido de Corcubión. A importante colectividade integrada polos e polas emigrantes de Corcubión, Cee, Fisterra, Vimianzo, Muxía, Dumbría, Camariñas e Zas acudiu á chamada dos fundadores e asociouse en gran número á nova entidade, que chegou a contar con máis de 5000 socios na década dos 50, o que nos dá conta da súa importancia no ámbito da colectividade galega en Arxentina.
A defensa e a loita pola modernización da terra que os vira nacer e que tiveran que abandonar en busca de oportunidades foron sempre parte das súas prioridades. A súa unión serviu tamén para acadar protección e apoio mutuo ante as vicisitudes que se lles presentaron no país de acollida: a partir dos anos 30, os socios gozaron de servizos gratuítos de asesoramento legal, asistencia médica e farmacia ou socorros económicos puntuais para os máis desfavorecidos. Sobre todo destaca a súa contribución á educación dos nenos e nenas da comarca, algo esencial para o seu porvir laboral e económico. Na asemblea de socios de xuño de 1929 apróbase un ambicioso plan para construír nove centros escolares, un en cada concello do distrito e o noveno en Bos Aires. Sobre este tema pódese consultar a web As escolas da emigración, que o Consello da Cultura Galega publicou hai uns anos. A ABC chegou a inaugurar catro escolas, pero o seu proxecto educativo freouse polo estalido da Guerra Civil.
Nas páxinas do seu voceiro social, a revista Alborada, creada en 1925 e que hoxe continúa a publicarse, temos ampla información das actividades culturais, benéficas e recreativas levadas a cabo ao longo deste século de existencia.
Na actualidade o seu presidente, Carlos O. Ameijeiras Miñones, continúa co labor dos seus predecesores no cargo e visita a miúdo a terra dos seus antepasados para difundir a memoria histórica da asociación. Na conmemoración do seu centenario, o Consello da Cultura Galega publica este especial para manifestar o seu recoñecemento e parabéns a todos e todas as socias desta lonxeva institución por todo canto ben fixeron pola súa terra e desexarlles unha próspera andaina no futuro.

COLABORA CON ESTE PROXECTO

Primeira xunta directiva da Sociedad Agraria y Cultural Hijos del Partido de Corcubión, 1923
Inauguración do curso escolar na casa-escola de Pasarela en Vimianzo, 1932
A primeira escola fundada pola ABC na aldea muxiá de Nemiña, 2007
A casa-escola de Estorde (Cee) rehabilitada, 2009

Non é posible ver o documento no teu navegador. Podes descargalo aquí.

Primeira sede social da ABC del Partido de Corcubión, na rúa Venezuela, 2164, Cidade Autónoma de Bos Aires
Os socios colaboran na construción do seu campo de recreo, ca. 1954

Non é posible ver o documento no teu navegador. Podes descargalo aquí.

O emblemático Campo Corcubión, distintivo da ABC del Partido de Corcubión, ca. 1963
<cite>Lunch</cite> de celebración de fin de curso organizado pola comisión directiva da ABC del Partido de Corcubión, Bos Aires, 1950

Non é posible ver o documento no teu navegador. Podes descargalo aquí.

Castelao na celebración do 26º aniversario fundacional da ABC, 1948
<cite>Alborada. ABC del Partido de Corcubión</cite>. Cuberta que conmemora o 80º aniversario da publicación, 1922-2002
Comisión de Damas da ABC del Partido de Corcubión, Bos Aires, 1983
Mantendo as tradicións alén mar, 1997
Visita de representantes das institucións galegas na sede da ABC, 2009
Grupo de baile Alborada da ABC del Partido de Corcubión
Salón de Usos Múltiples Juan Graíño, cidade de Vicente López, Provincia de Bos Aires, 2011
Directiva da ABC del Partido de Corcubión, grande anfitrioa, 2009
Acto de homenaxe á ABC del Partido de Corcubión na escola de Suarriba, en Fisterra, 2019

Axúdanos a recuperar o patrimonio documental

Proxecto de recuperación documental e fotográfica da emigración galega Campaña de recollida das coleccións particulares dos nosos emigrantes.

Erro: Comproba os campos!
Arquivo da Emigración Galega

Carolina García Borrazás: +0034 881 995 148
Teresa García Domínguez: +0034 881 995 143
aemigracion@consellodacultura.gal


As imaxes e documentos que aquí se expoñen forman parte do patrimonio fotográfico e documental que se conserva e salvagarda no Arquivo da Emigración Galega. Moitos deles proceden de coleccións particulares que a cidadanía puxo á disposición da sociedade a través do Consello da Cultura Galega; teñen un gran valor informativo e incrementan o coñecemento sobre os procesos migratorios en Galicia.

Instrucións para colaborar