Vídeo didáctico (3´ 19´´) no que descubrirás como se constrúe unha castañola de cana, tamén chamada tarabela. Trátase dun instrumento musical popular do grupo dos idiófonos que se fabrica cunha cana de tres nós de lonxitude. Nos dous nós superiores faise unha fenda e ao bater un dos extremos da cana (o que está próximo ao nó sen fender) contra a palma da man, prodúcese un son moi similar ao da castañola.
Esta peza pertence á serie de vídeos didácticos, elaborados polo Proxecto Ronsel, sobre a construción de instrumentos tradicionais galegos.
