Vídeo didáctico (5´ 03´´) no que se explica como construír unha zambomba, un instrumento musical do grupo dos membranófonos. O instrumento está formado por un bote que fai a función dun tambor, un plástico que fai a función de membrana e unha palla que atravesa a membrana. Ao refregar os dedos contra a palla, a membrana vibra emitindo o son.
Esta peza pertence á serie de vídeos didácticos, elaborados polo Proxecto Ronsel, sobre a construción de instrumentos tradicionais galegos.
