Vídeo (10´ 17´´) no que Uxía Yáñez Ramil explica a importancia de facer un bo diagnóstico de xestación no gando vacún, e de como facelo de forma precoz é importante para as explotacións lácteas: canto antes saiba o gandeiro que a súa vaca está xestante, maior rendemento se vai obter dese animal e da explotación en xeral.
Cos medios dispoñibles hoxe en día, só se pode facer un diagnóstico de xestación fiable arredor do día 28 trala inseminación, mais existen tecnoloxías que poden axudar a adiantalo. Dentro destas atopamos a ecografía en modo Doppler, que permite avaliar o fluxo sanguíneo das estruturas que estamos a explorar. Posto que, durante a preñez, se observan modificacións no fluxo sanguíneo a nivel do aparello reprodutor, conseguir identificalas mediante a exploración ecográfica con Doppler e establecer as diferenzas entre animais xestantes e non xestantes pode ser a chave cara a un diagnóstico máis precoz.
Esta charla forma parte das sesións do DivulgaTerra 2021.
Máis aló dunha cunca de leite
Uxía Yáñez Ramil AUTORÍA
Universidade de Santiago de Compostela CREACIóN
27/6/2022#enxeñaría agroalimentaria e forestal #veterinaria #bovinos e grandes ruminantes #produción animal e acuiculturaTEMÁTICAS
Galego LINGUA
Universitario NIVEL DE ENSINO
