Chamámoslle escoliose ao aumento da asimetría tridimensional da columna vertebral, cando existe rotación vertebral e un mínimo de 10 graos de desviación. Neste vídeo divulgativo (2´ 12´´), elaborado polo Colexio Oficial de Fisioterapeutas de Galicia, fálase da escoliose idiopática (a que non ten unha causa específica), dos métodos de detección temperá e do papel do fisioterapeuta unha vez que xa dispomos dun diagnóstico médico firme.