Creación artística e identidades culturais

Do 18 ao 19 de setembro de 2008
Creación artística e identidades culturais
Neste foro tratouse de analizar as relacións entre a creación e a industria da cultura, desde o punto de vista das artes visuais. Artistas, críticos, comisarios, xornalistas e directores de museos debatiron sobre tres espazos de reflexión: musealización, industria cultural e espectáculo; o traballo de artistas e as institucións e, arte e cultura nos medios de comunicación. María Luísa Sobrino, coordinadora do foro, catedrática da Universidade de Santiago e vocal do Plenario do CCG, salientou o feito de que en Galicia, desde 1995, xurdiron vinte novos espazos, públicos e privados, para a expresión artística e falou tamén do que considerou “papel positivo” da Facultade de Belas Artes da Universidade de Vigo, campus de Pontevedra. “Esta Facultade contribuiu a normalizar a creación artística en Galicia e propiciou a activa presenza da muller nestas actividades”, dixo.
Conectate o Consello da Cultura Galega en Facebook, Twitter ou comparte esta nova: