II ciclo de proxeccións: A construción do relato ideado

A produción audiovisual en Galicia experimentou nos últimos anos un importante incremento cualitativo e cuantitativo.Non son poucas as mulleres que están a intervir neste feito traballando nos diferentes eidos deste ámbito creativo(cámaras, directoras, guionistas, realizadoras, montadoras, etc.). Non obstante, nas mostras de documental e cinemagalegos séguese a observar un, cando menos curioso, silenciamento das propostas de novas directoras. Son estascuestións as que configuran o obxectivo fundamental do ciclo Creadoras galegas de imaxe. Trátase de dar a coñecer edifundir propostas e obras de mulleres; contribuíndo, así, a paliar a desinformación e invisibilidade existente.

Esta segunda edición do ciclo, coordinada por Uqui Permui e Encarna Otero Cepeda e organizada pola Comisión deIgualdade do Consello da Cultura Galega, focaliza a súa atención na produción de creadoras galegas que traballan nosxéneros cinematográficos de ficción, documental e animación (curta e longametraxe), baixo olladas feministas. Desdeestas perspectivas están a rachar coa imposición de estándares estéticos. Isto implica a ruptura cos convencionalismose a busca de novas formas de representación. Ese é o punto de partida deste segundo ciclo de cine, que se divide entres sesións: "Interferencias", "A través dos lugares" e "Traballo e resistencia".

Solicita a túa inscrición