simposio

Novos camiños para o estudo da cultura e a arte

No Centro Galego de Arte Contemporánea (Santiago de Compostela), venres, 22 de febreiro de 2013
Novos camiños para o estudo da cultura e a arte

Un simposio en memoria de Serafín Moralejo.

Serafín Moralejo, catedrático de Historia da Arte da Universidade de Santiago de Compostela e Zóbel de Ayala Professor da Universidade de Harvard, foi unha figura clave da cultura galega das últimas décadas. Este simposio convoca a un grupo de investigadores que haberán de redimensionar as contribucións da súa fértil, variada e orixinal produción intelectual en diversos campos das humanidades, sinalando as achegas nas liñas de investigación que el clarexou, tanto no ámbito da historia da arte, como da crítica literaria, a antropoloxía ou os estudos culturais.

Na primeira sesión, seis profesores aos que dirixiu a súa tese doutoral situarán en perspectiva os traballos de Serafín Moralejo, analizando os seus propios procesos de reflexión e expandíndoos con achegas particulares sobre os diversos temas nos que Moralejo abriu camiños de pensamento.

A segunda sesión centrarase nos estudos Xacobeos, tendo en conta o compromiso intelectual que Serafín Moralejo mantivo co fenómeno da peregrinación e coa historia das manifestacións artísticas e culturais que o culto a Santiago xerou e a través das cales nas que se materializou. 

Conectate o Consello da Cultura Galega en Facebook, Twitter ou comparte esta nova: