Cultura impresa na rede: Gratis total?

Venres, 8 de marzo de 2013
Información

O obxectivo da xornada é crear un marco para a análise dos retos presentese futuros da industria cultural -en concreto, da xornalística dixital e do libro nesta primeira xornada- así como un novo espazo para o diálogo entre o contorno académico e o profesional de ambos os sectores. Dos catro relatores seleccionados, tres -Rafael Cabarcos, consultor e membro do Advisory Comittee do International Institute for Media Development (IIMD), Julio Miravalls de El Mundo en Orbyt e Ramón Alonso de Kiosko y Más- explicarán como os seus respectivos medios están a implementar estratexias de pago por contidos na Internet a través dos seus novos modelos de negocio. Os temas principais que se abordarán serán a evolución dos subscritores/ingresos, estratexias de mercadotecnia e publicidade, estratexias a través das redes sociais e a disposición a pagar pola información.

Para a análise do futuro da industria do libro a través dos novos soportes dixitais (sobre todo iPad e eBook), o programa contará con Juan Triviño, editor e especialista en edición dixital -sobre todo no tocante á industria do libro. O relator explicará as transformacións e retos que está a afrontar esta industria e os novos modelos de negocio dixitais emerxentes.

A xornada vai dirixida a profesionais da industria editorial, profesionais dos medios impresos, profesionais das industrias culturais en xeral, estudantes de grao ou máster sobre industrias culturais.

Ficha técnica
Cultura impresa na rede: Gratis total?
Cultura impresa na rede: Gratis total?
Xornada. Venres, 8 de marzo de 2013
Coordinación
Francisco Campos
Víctor F. Freixanes
Manuel Goyanes
Organiza
Consello da Cultura Galega
Inauguración
Ramón Villares
Modera
Víctor F. Freixanes
Participante
Manuel Bragado
Xavier Cea Otero
Tomás García Morán
Juan Méndez
Relator/a
Ramón Alonso
Rafael Cabarcos
Julio Miravalls
Juan Triviño

LUGAR
Consello da Cultura Galega
Pazo de Raxoi, 2º andar
Praza do Obradoiro, s/n
15705 Santiago de Compostela
Tel.: 981 957 202 / Fax 981 957 205
difusion@consellodacultura.org
www.consellodacultura.org