Desafíos políticos en Europa en 2014

13, 20, 25 e 27 de febreiro de 2014
Temáticas: Sociedade |
Información

As transformacións políticas de finais do século XX están a redefinir o papel dos suxeitos políticos na Unión Europea. Isto unido á crise económica, ós novos liderados e ás convulsas relacións norte-sur fan albiscar cambios no vixente modelo europeo. Móvense os marcos e cómpre atender os seus efectos. Neste sentido, o ano 2014 presenta dúas datas sinaladas que supoñen grandes desafíos políticos en Europa. O 18 de setembro está previsto que se realice o referendo en que se decidirá se Escocia opta por se constituír como estado independente. O 9 de novembro é a data escollida pola Generalitat de Catalunya para a consulta sobre a independencia de Catalunya. Ambas as dúas convocatorias ofrecen grandes retos para o devir de Europa a nivel económico, político, cultural e social.

A Sección de Pensamento e Sociedade do Consello da Cultura Galega presenta o ciclo Desafíos políticos en Europa en 2014, no que diferentes expertos debullarán polo miúdo estes procesos soberanistas, as ameazas e oportunidades económicas do novo contexto, o debate sobre os distintos modelos de Estado, os marcos lexislativos e as consecuencias que para Galicia terán todos estes retos. 

Ficha técnica
Desafíos políticos en Europa en 2014
Desafíos políticos en Europa en 2014
Ciclo. 13, 20, 25 e 27 de febreiro de 2014
Coordinación
Antón Baamonde
Organiza
Consello da Cultura Galega
Sección de Pensamento e Sociedade (CCG)

LUGAR
Consello da Cultura Galega
Pazo de Raxoi, 2º andar
Praza do Obradoiro, s/n
15705 Santiago de Compostela
Tel.: 981 957 202 / Fax 981 957 205

Participante
Javier Pérez Royo
Presenta
Antón Baamonde
Manuel Barreiro
Francisco Caamaño Domínguez
Xaquín Fernández Leiceaga
Relator/a
Luís Caramés
Michael Keating
Ramón Máiz Suárez
Albino Prada
Carles Viver Pi-Sunyer