encontro

Arte + Mulleres

Mércores, 5 de marzo de 2014
Arte + Mulleres

Desde a Sección de Creación e Artes Visuais Contemporáneas do Consello da Cultura Galega, dentro do programa do Festival Miradas de Mujeres 2014, organízase un Encontro de debate para presentar e reflexionar sobre diversas iniciativas e proxectos promovidos desde o Consello da Cultura Galega.

Desde a Sección elaborouse Arte+Mulleres. Informe da situación I, centrado na análise da visibilización das artistas no eido das artes visuais en Galicia, desde 1990 ata 2013.

No encontro preséntase este informe xunto coa revisión e actualización doutros dous proxectos: a plataforma web ATALAIA. Arte contemporánea en Galicia (arquivo de eventos das artes visuais en Galicia e directorio de artistas), en funcionamento desde 2010 e promovida desde a Sección; e o Álbum de Mulleres, iniciativa da Comisión de Igualdade do Consello da Cultura Galega, no que se inclúe o apartado Artistas visuais galegas.

Conectate o Consello da Cultura Galega en Facebook, Twitter ou comparte esta nova: