Arte + Pintura

23 e 24 de abril de 2014
Arte + Pintura

ARTE + PINTURA dan continuidade ás xornadas O lugar da pintura nos 90, organizadas en 1995 polo Consello de Cultura Galega. As citadas xornadas, coordinadas por Antón Castro e Juan de Nieves, foron un proxecto referencial tanto polos nomes das persoas participantes como polo oportuno do debate naquel momento: a pintura non é só unha técnica, o lugar da pintura non é só un obxecto (un cadro). O debate de entón enmarcábase no horizonte duchampiano e os seus protagonistas consolidaban unha tradición nunca falecida e á vez propoñían novos modelos para entender a pintura.

ARTE + PINTURA retoma o debate de hai 18 anos para reflexionar sobre como cambiaron os discursos, sobre como nos últimos anos as aperturas da práctica pictórica foron transformando e ampliando o concepto ou a definición de pintura.

As xornadas centran o debate en Galicia, onde nas últimas décadas a pintura foi unha categoría artística desenvolvida con grande intensidade. Confrontarase e relacionarase a práctica e a refl exión teórica da pintura galega actual co que se está a facer no eido nacional e internacional.

Conectate o Consello da Cultura Galega en Facebook, Twitter ou comparte esta nova: