O Consello da Cultura Galega ten o pracer de o convidar ao encontro co membro do Conselho Executivo e administrador da Fundação Luso-Americana para o Desenvolvimento (FLAD), Michael Baum, que se celebrará o martes 3 de xuño, ás 17:00 horas na biblioteca do Consello da Cultura Galega. Michael Baum impartirá un pequeno relatorio inicial no que analizará as liñas de actuación da FLAD e as posibles vías de colaboración con Galicia.

A Fundação Luso-Americana para o Desenvolvimento é unha institución portuguesa, privada e financeiramente autónoma. Ten por misión contribuír para o desenvolvemento de Portugal, a través do apoio financeiro e estratéxico a proxectos innovadores e do incentivo á cooperación entre a sociedade civil portuguesa e americana. Creada en 1985, nace da decisión do Estado portugués de crear unha institución de dereito privado que de forma perenne, flexible e autónoma, promova as relaçións entre Portugal e os Estados Unidos, visando, con este intercambio, o desenvolvemento económico, social e cultural portugués. Pode atopar máis información sobre ela aquí (http://www.flad.pt/). Até o seu nomeamento na FLAD, Michael Baum era o director do Departamento de Ciencia Política da University of Massachusetts Dartmouth e co-chair no Iberian Study Group da Harvard University. Pode atopar máis información sobre o seu currículo aquí (https://www.umassd.edu/cas/polisci/facultyandstaff/michaelbaum/)

Este coloquio forma parte da colaboración que, dende hai anos mantén o Consello da Cultura Galega coa FLAD e que deu como resultado a participación do Consello da Cultura Galega no encontro Comunidades Euro-atlánticas nos Estados Unidos da América. Experiencias da emigração da Galiza e dos Açores e que tivo lugar en outubro de 2009 en Horta, Faial, Azores. Posteriormente, o Consello da Cultura Galega organizou o Seminario Emigración e exilio nos Estados Unidos de América: Experiencias de Galicia e Azores, celebrado na Illa de San Simón en outubro de 2012 .