seminario.

Novas mobilidades nun contexto de crise. Retos da emigración para a sociedade galega

21 e 22 de outubro de 2014
Información

Nos últimos anos, o impacto da crise trouxo consigo un cambio do ciclo migratorio galego. A principios do presente século, durante a fase de crecemento económico, a chegada de inmigrantes (xa fosen estranxeiros ou “retornados”) protagonizou o discurso social, mediático e político, e converteuse no foco de interese das investigacións sobre mobilidades levadas a cabo en Galicia. Non obstante, o impacto da crise implicou un interese crecente polo cambio do ciclo migratorio e sitúa actualmente o foco de atención nos novos fluxos de saída de cidadáns galegos ao exterior.

Esta problemática foi aínda pouco estudada e non escapa á nosa consideración a súa complexidade. Detrás das cifras de cidadáns españois que están saíndo actualmente de Galicia, agóchanse realidades sociais moi diversas: mozas e mozos galegos que buscan un posto de traballo no exterior; inmigrantes de orixe estranxeira, naturalizados, que retornan aos seus países ou que fan as maletas para instalarse noutras contornas economicamente máis prósperas; retornados galegos (aqueles que no seu día foron emigrantes, ou os seus descendentes, que volveron a Galicia atraídos pola época de prosperidade) e que regresan aos seus antigos países de emigración (Suíza, Alemaña, Arxentina, etc.), estudantes… A isto cómpre sumarlle outro tipo de mobilidades (transfronteirizas, migracións circulares de ida e volta, etc.).

Estas xornadas pretenden sacar á luz estas realidades diversas mediante unha estimación da súa magnitude, o esclarecemento da dificultade que entraña a explotación das fontes estatísticas e o estudo dos retos políticos e sociais que comportan estas novas mobilidades para a sociedade galega.

Ficha técnica
Novas mobilidades nun contexto de crise. Retos da emigración para a sociedade galega
Novas mobilidades nun contexto de crise. Retos da emigración para a sociedade galega
Seminario. 21 e 22 de outubro de 2014
Comité científico
Pilar Cagiao
Francisco Durán
Marcelino Fernández Santiago
Antonio Izquierdo
Xosé M. Núñez Seixas
Laura Oso
Vicente Peña
Rosario Portela Yáñez
Raúl Soutelo
Obdulia Taboadela
Ramón Villares
Coordinación
Laura Oso
Ámbito
Comisión de Acción Exterior (CCG)

Colabora
Arquivo da Emigración Galega (CCG)
Equipo de Sociología de las Migraciones Internacionales
Secretaría Xeral de Emigración

Organiza
Consello da Cultura Galega

LUGAR
Consello da Cultura Galega
Pazo de Raxoi, 2º andar
Praza do Obradoiro, s/n
15705 Santiago de Compostela

Modera
Laura Oso
Participante
Ildefonso de la Campa
Antía Pérez
Obdulia Taboadela
Relator/a
Andreu Domingo Valls
Amparo González Ferrer
Antonio Izquierdo
Jorge Malheiros
Antonio Rodríguez Miranda