Albert Camus

3 e 4 de decembro de 2014
Información

Poucas veces na nosa modernidade, época de fragmentacións, se atoparon tan brillantemente fundidas a obra e a persoa, a experiencia e o pensamento. É imposible disociar un e outro cando falamos de Albert Camus. Boa parte do seu permanente atractivo reside aí, nesa autenticidade. Seguen a interesarnos os seus problemas: a cuestión do sentido ou o sen-sentido, da soidade e a culpa, da acción e a decisión, da violencia, do nexo entre ética e política... pero tamén aquilo que caracterizou o seu autor: o compromiso, o seu papel en Combat, na Resistencia antinazi, a posición fronte ao comunismo e o anticomunismo, a guerra de Alxeria, a súa figura como intelectual...

Son varias as xeracións moi especialmente influídas polo seu pensamento e talante vital. El xunto con outras figuras do existencialismo constituíron un referente de ideas, valores e formas de vida, unha constelación cuxa luz tivo tamén o seu reflexo no espazo do que se facía en Galicia. O ronsel deixado polas conmemoracións do seu recente aniversario pode ser unha estimulante ocasión para tornar con ánimo renovado sobre esta figura da liberdade que foi Albert Camus.

PRAZAS ESGOTADAS
Debido á alta demanda de solicitudes recibidas, xa non hai prazas vacantes dispoñibles para asistir ás xornadas Albert Camus que terán lugar os vindeiros 3 e 4 de decembro de 2014. Se se producen baixas entre as persoas xa confirmadas seguirase estritamente a orde de entrada de solicitudes.

De ter interese, vostede podería cubrir a súa solicitude no formulario do sitio web e, se ficase libre algunha vacante, recibiría un correo de confirmación no seu correo electrónico, tal e como é procedemento habitual. Do mesmo xeito, se vostede ten confirmada a súa inscrición e non vai poder asistir, agradecémoslle que o comunique para poder dispoñer da súa praza.

Ficha técnica
Albert Camus
Albert Camus
Xornada. 3 e 4 de decembro de 2014
Coordinación
Jorge Álvarez Yágüez
Organiza
Consello da Cultura Galega
Sección de Pensamento e Sociedade (CCG)
Relator/a
Xesús Alonso Montero
Damián Álvarez Villalaín
Germán Cano
Carlos Fernández Fernández
Bieito Iglesias
Francisco Jarauta
Arturo Leyte
Alberto Moreiras
Miguel Morey
Rosa María Rodríguez Magda
José Luís Villacañas

LUGAR
Consello da Cultura Galega
Pazo de Raxoi, 2º andar
Praza do Obradoiro s/n
15705 Santiago de Compostela