O vindeiro xoves, 15 de xaneiro ás 12:30 horas, o Consello da Cultura Galega presentará en rolda de prensa Gallaeciae Monumenta Historica. Proxecto que ten por obxectivo dixitalizar e poñer na rede o amplo corpus de documentación medieval de Galicia, así como os textos de ámbito académico con el relacionado. Este repositorio permitirá a busca cruzada en miles de documentos co que se pode coñecer a Galicia medieval a través dos seus protagonistas, as temáticas e os lugares aos que aluden. Na rolda de prensa daranse conta dos traballos de dixitalización e metaetiquetado así como da relevancia dos materiais que se poñen a disposición dos usuarios.

Accede a GMH

Intervirán: Ramón Villares, presidente do Consello da Cultura Galega; Rosario Álvarez, vicepresidenta do Consello da Cultura Galega e Manuel Gago, técnico e coordinador do proxecto