O Consello da Cultura Galega e Afundación acollen o xoves 14 de maio ás 12:30 horas a presentación da quinta edición do Concerto das Letras Galegas, iniciativa que xunta música, poesía e palabra arredor da figura de Xosé Filgueira Valverde (1906-1996), homenaxeado no Día das Letras Galegas.

Na presentación detallaranse os contidos e intérpretes do programa desta edición, que inclúe a estrea dunha obra de Xavier de Paz (A Coruña, 1963) sobre textos de Xosé Filgueira Valverde. O concerto correrá a cargo da Real Filharmonía de Galicia coa participación da Sociedade Coral Polifónica de Pontevedra, baixo a dirección de Maximino Zumalave.

Asistirán: Ramón Villares, presidente do Consello da Cultura Galega (CCG); Pedro Otero Espinar, director xerente de Afundación e Fernando Filgueira, presidente da Fundación Filgueira Valverde.