Luciano Concheiro impartirá o próximo martes 2 de febreiro ás 17:00 horas, unha conferencia onde analizará o Exilio republicano en México, centrándose nas últimas investigacións.
Prégase confirmación de asistencia no correo difusion@consellodacultura.gal
LUCIANO CONCHEIRO: EXILIO REPUBLICANO EN MéXICO
Conferencia. Martes, 2 de febreiro de 2016 ás 17:00
ÁMBITO
Comisión de Acción Exterior (CCG)
“Non son un especialista no exilio, pero vivilo permíteche apreciar outra realidade e entender por qué o goberno e o pobo de México se volcaron cos refuxiados españois”. Así comezou Luciano Concheiro a conferencia no Consello da Cultura Galega na que fixo un repaso polo que achegaron as últimas investigacións ao coñecemento dun fenómeno que afectou a máis de 40.000 españois entre 1939 e 1942. Ramón Villares, presidente do Consello da Cultura Galega, presentou ao conferenciante nunha biblioteca que tiña o seu aforo completo.
