Patrimonio e Comunicación. Novos paradigmas

28 e 29 de abril de 2016
Patrimonio e Comunicación. Novos paradigmas

O Patrimonio Cultural de Galicia responde a un conglomerado imaxinario que identifica non só a nosa comunidade galega, senón tamén os seus cidadáns e cidadás. Dentro dese concepto, comunicar sobre os ricos procesos de patrimonialización cultural e identitaria que se dan arredor dos bens culturais expresa, en si mesmo, o compromiso co legado e cos requirimentos constitucionais e autonómicos de garantir o acceso cultural da cidadanía aos bens que forman parte da súa cultura e á obriga de conservalos e transmitilos.

O dominio público cultural do Patrimonio é a cerna do seu gozo e dos seus usos culturais e/ou investigadores.

Comunicar-patrimonio é un novo paradigma que acompaña e motiva a xeración deses novos procesos de patrimonialización que vivimos na última década. Estes, por si mesmos, convértense en valores engadidos, materiais e inmateriais dos bens do Patrimonio cultural. Estas xornadas pretenden analizar ese novo paradigma en relación con diferentes aspectos que están moi relacionados co patrimonio e coa cidadanía: a sociedade, as industrias culturais, o conflito e as novas tecnoloxías. 

Conectate o Consello da Cultura Galega en Facebook, Twitter ou comparte esta nova: