presentación

Libro «Alfonso XIII visita España. Monarquía y nación»

Venres, 6 de maio de 2016 ás 12:30
Libro «Alfonso XIII visita España. Monarquía y nación»

O libro Alfonso XIII visita España. Monarquía y nación, publicado pola Editorial Comares, rememora as viaxes e estadías do monarca a diversos puntos da xeografía española, analizando en clave nacionalizadora as celebracións, cerimoniais e discursos co cometido de ofrecer unha imaxe más popular e moderna da monarquía borbónica.

O acto de presentación do venres 6 de maio ás 12:30 horas, contará coa asistencia da editora de publicación, Margarita Barral e do presidente do Consello da Cultura Galega, Ramón Villares, autor do prólogo.

Na presentación detallarase o contido do libro realizado a partir dos fondos de dous proxectos de investigación dirixidos por Margarita Barral. Un deles chamábase “La nacionalización española en Galicia desde el Desastre del 98 hasta la Segunda República” [MICINN/MINECO, ref. HAR2011-22905] e o outro é “Estereotipos e nation-building español en Galicia no primeiro cuarto do século xx” [Xunta de Galicia, ref. EM2012/012].

 

Conectate o Consello da Cultura Galega en Facebook, Twitter ou comparte esta nova: