O presidente do Consello da Cultura Galega (CCG), Ramón Villares, presenta o libro Emigración e exilio nos Estados Unidos de América: experiencias de Galicia e Azores e Alberto Pena, da Universidade de Vigo, ofrecerá unha conferencia titulada “A imprensa da imigração luso-americana”.
LIBRO «EMIGRACIóN E EXILIO NOS ESTADOS UNIDOS DE AMéRICA: EXPERIENCIAS DE GALICIA E AZORES»
Presentación. Na Livraria Solmar (Açores), xoves, 21 de xullo de 2016 ás 18:30
ORGANIZA
Comisión de Acción Exterior (CCG)
Consello da Cultura Galega
O presidente do Consello da Cultura Galega (CCG), Ramón Villares, presenta mañá en Ponta Delgada (Illa de São Miguel, Azores) a publicación Emigración e exilio nos Estados Unidos de América: experiencias de Galicia e Azores. A actividade, organizada coa Fundação Luso-Americana para o Desenvolvimento (FLAD), enmárcase dentro dos actos conmemorativos do corenta aniversario da autonomía da asemblea lexislativa das illas dos Azores. No acto tamén estarán presentes dous coordinadores da publicación, Alberto Pena e Mário Mesquita, así como Michael Baum, administrador da FLAD.
