xornada.

Kathleen March, ler como feminista

Xoves, 27 de outubro de 2016
Información

Kathleen Nora March (Rochester, NY, 1949) é catedrática emérita de Español na University of Maine. En 1975 veu a Galiza para investigar sobre a poesía de Manuel Antonio e aquí quedou prendida, galega por elección. Logo virían estudos sobre Carvalho Calero, Castelao, Luz Pozo, Xohana Torres e tamén Rosalía, que nos ensinou a ler como a literata consciente que foi, en diálogo permanente co pensamento e coa literatura universal do seu tempo.

As súas traducións de Cunqueiro, Rosalía e Otero Pedrayo son outra faceta dun traballo académico imprescindíbel, que axudou á proxección da literatura galega no ámbito anglosaxón.

Nos anos 80 fundou e presidiu a Galician Studies Association (a actual Asociación Internacional de Estudos Galegos), unha ferramenta para impulsar os estudos galegos na academia norteamericana, sentando as bases para a súa posterior expansión no ámbito internacional.

Coñecermos mellor o seu traballo e pór en valor os seus contributos son os obxectivos dunha xornada que pretende tamén proxectar cara ao futuro un legado intenso e vivo: o de Kathleen March, galega, feminista, universal.

Ficha técnica
Kathleen March, ler como feminista
Kathleen March, ler como feminista
Xornada. Xoves, 27 de outubro de 2016
Coordinación
Teresa López Fernández
Dolores Vilavedra
Organiza
Comisión de Igualdade (CCG)
Consello da Cultura Galega

LUGAR
Consello da Cultura Galega
Pazo de Raxoi, 2º andar
Praza do Obradoiro, s/n
15705 Santiago de Compostela
Tel.: 981 957 202 / Fax.: 981 957 205

Inauguración
María Xosé Porteiro García
Ramón Villares
Modera
Carmen Blanco García
Manuela Palacios
Marga Romero
Participante
Burghard Baltrusch
Xosé Ramón Fandiño
María Pilar García Negro
Helena González Fernández
Presenta
María Xosé Agra Romero
Mariam Mariño Costales
Relator/a
Ánxela Lema
Antía Marante Arias
Kathleen N. March
Claudio Rodríguez Fer
Andrea Ruthven