É o noso fuso horario un problema?

Mércores, 26 de outubro de 2016
É o noso fuso horario un problema?

O debate público sobre o fuso horario español deu un salto cualitativo recentemente, ao saltar ao escenario da discusión política e, mesmo, ser incorporado no programa dalgúns partidos.

Debería cambiar España o seu fuso horario? A resposta e as decisións que se tomaren con base nela afectarán a todas as persoas do país, sen excepción. A cuestión é pois relevante, e a súa resolución esixe unha reflexión pausada polo miúdo, que debe ser tomada logo de adquirir un coñecemento previo dos factores que inciden nela.

Esta xornada do Consello da Cultura Galega pretende proporcionar ese coñecemento, a través das exposicións de expertos a prol e en contra do cambio do noso fuso horario actual. A achega á que se aspira é facerlles posible aos asistentes responder con solidez argumental á pregunta que lle dá título á xornada.

Conectate o Consello da Cultura Galega en Facebook, Twitter ou comparte esta nova: