Traxectoria dos montes comunais galegos: a súa consideración como recurso produtivo, ambiental, paisaxístico e de calquera outro tipo

28 e 29 de setembro de 2017

Información [Ver todos os da serie]

Por razóns diversas -entre as que figuran os graves problemas ambientais, a revalorización da vida rural e a expansión e influencia dos movementos ecolóxicos, que impulsaron novas olladas históricas sobre o aproveitamento dos recursos naturais- o interese polo estudo e adecuada gobernanza dos bens comunais aumentou moito nos últimos tempos. Neste contexto, Galicia constitúe un exemplo extraordinario. Até principios do século pasado, tres cuartas partes da súa superficie estaban ocupadas por montes que, se durante séculos non fosen xestionados polos veciños de aldeas e parroquias de maneira eficiente, acomodando os seus usos aos cambios que se ían producindo no complexo agropecuario, non conservarían, na meirande parte dos casos, o seu carácter comunal.
As mudanzas foron radicais no último século: os procesos de privatización, de “estatalización”, a repoboación forestal e “devolución”, a “revolución verde”, as diversas e graves consecuencias do despoboamento e abandono do mundo rural, as necesidades dunha axeitada ordenación do territorio que debe considerar integrar os usos do monte, a nova valoración da paisaxe como patrimonio (que en boa medida recupera ideas de Otero Pedrayo e da xeración Nós) que vai unida a miúdo a procesos de apropiación cultural e que obriga a considerar o monte, e en xeral o territorio, como arquivo da memoria das comunidades que se sucederon no seu control, aproveitamento e transformación. Estes e outros cambios parecen razóns poderosas que aconsellan facer unhas reflexións e debates que, a partir das ensinanzas do pasado, aborden, entre os varios problemas, a situación presente dos montes veciñais desde unha perspectiva pluridisciplinar para analizar os seus usos reais e potenciais, ou sexa, as experiencias e as oportunidades de cara ao futuro no uso dos recursos; as boas prácticas e non tan boas na súa xestión, as consecuencias do abandono das aldeas e o tratamento do monte nas políticas de ordenación do territorio que han de procurar a conservación do medio e a protección da paisaxe como un elemento fundamental do patrimonio cultural.

Materiais

programa

Traxectoria dos montes comunais galegos: a súa consideración como recurso produtivo, ambiental, paisaxístico e de calquera outro tipo

documento

Los bienes concejiles de aprovechamiento comunal en la provincia de León:presencia, gestión y valor, siglos XVI-XX. Laureano Rubio Pérez

documento

Prensa

29-09-2017

Profesionais reivindican no Consello da Cultura un novo modelo de xestión para os montes de veciños

27-09-2017

Mañá comeza a xornada que analiza a situación actual dos montes veciñais

Ficha técnica

Traxectoria dos montes comunais galegos: a súa consideración como recurso produtivo, ambiental, paisaxístico e de calquera outro tipo

Xornada. 28 e 29 de setembro de 2017
Coordinación
María do Mar Pérez Fra
Pegerto Saavedra Fernández
Colabora

Proxecto HAR2014-52667-R. “El monte comunal en Galicia desde comienzos de la Edad Moderna a la actualidad: de soporte de un <viejo complejo agrario> a recurso mediambiental y patrimonio paisajístico”, Ministerio de Economía y Competividad

Universidade de Santiago de Compostela

Organiza
Sección de Patrimonio e Bens Culturais (CCG)

LUGAR
Consello da Cultura Galega
Pazo de Raxoi, 2º andar
Praza do Obradoiro, s/n
15705, Santiago de Compostela
Tel.: 981 957 202 / Fax: 981 957 205

Modera
María do Mar Pérez Fra
Iago Seara Morales
Relator/a
Plácido Baamonde
Xesús Balboa
José Antonio Barbeito
Ana Cabana Iglesia
Vanessa Castro López
Marcelino Díaz Campos
Alfonso Díaz Revilla
Isaac González
Carlos González Andrés
José Miguel Lana Berasain
Edelmiro López Iglesias
Carlos Morgade
Alfredo Pereira
Daniel Pino Vicente
Laureano M. Rubio Pérez
Antón Santamarina
Inés Santé
Fernando Silva de Oliveira Baptista
Hortensio Sobrado