congreso:

Novos horizontes para unha Galicia global: Redes | Territorio | Memoria

XII Congreso Internacional da AIEG

Madrid, 10-15 setembro 2018
Información

O ano 2018 foi declarado Ano Europeo do Patrimonio Cultural, como mostra de consideración, por parte da Unión Europea, cara ao legado “material, inmaterial e dixital” das diferentes culturas que a conforman. Este recoñecemento, que pretende sensibilizar verbo da historia e valores comúns e reforzar o sentimento de pertenza a un espazo común europeo, non vén exento de polémica. No panorama nacional e internacional, os crecentes movementos nacionais e independentistas, o aumento do apoio popular ás forzas con posicionamentos máis extremos, o rexurdir da violencia de xénero, a xenofobia ou a islamofobia baten frontalmente coas necesidades e dereitos dunha cidadanía que, lonxe de manterse á marxe dos conflitos, busca novas fórmulas de convivencia, análise, coñecemento, participación e organización social.


Os estudos galegos non son alleos ao desexo de contribuír á comprensión da realidade e a abrir novas perspectivas de análise e intervención neste contexto. Non en van, nos derradeiros anos, os estudos sobre migración, transculturalidade e patrimonio experimentaron un auxe considerábel, así como os medios especializados de coñecemento e a súa capacidade de difusión. A Asociación Internacional de Estudos Galegos, coa súa proposta de congreso “Novos horizontes para unha Galicia global: Redes, Territorio e Memoria”, espera converterse, unha vez máis, nun punto de encontro e foro de discusión para a investigación sobre a lingua, a cultura e a historia de Galicia. Baixo as tres amplas nocións sobre as que se artella, para alén de apostar pola investigación básica e os traballos de disciplinas consolidadas, agardamos que o vindeiro congreso atraia desde as novas xeracións de investigadoras/es cos seus primeiros contributos até as/os especialistas máis consolidadas/os, acollendo traballos interdisciplinares ou propostas innovadoras de todas as partes do mundo.


O Consello da Cultura Galega colabora coa Asociación Internacional de Estudos Galegos na organización dunha serie de actividades dentro do programa do XII Congreso:


-12 de setembro ás 10:00:
Conferencia plenaria a cargo de Ramón Villares.


-12 de setembro ás 12:30 horas:
Mesa redonda "Territorios", coordinada polo profesor de Xeografía da USC, Xosé Manuel Santos Solla e coa participación de María López SándezAníbal C. MalvarVicente Araguas.


- 13 de setembro ás 12:30 horas
Mesa redonda "Memoria", coordinada pola profesora de Literatura Galega da USC e secretaria do Consello da Cultura, Dolores Vilavedra, e onde partiparán Lourenzo Fernández PrietoMiguel-Anxo MuradoSusana Sánchez Aríns


Máis información e programa completo: https://www.aieg18.com/programa

Ficha técnica
Novos horizontes para unha Galicia global: Redes | Territorio | Memoria
Novos horizontes para unha Galicia global: Redes | Territorio | Memoria
Congreso. Madrid, 10-15 setembro 2018
Relator/a
Vicente Araguas
Lourenzo Fernández Prieto
María López Sández
Aníbal Malvar
Miguel Anxo Murado
Susana Sánchez Aríns
Dolores Vilavedra
Ramón Villares

LUGAR
UNIVERSIDAD COMPLUTENSE DE MADRID (UCM)
Campus da Moncloa, Cidade Universitaria. R/ Profesor Aranguren s/n. 
Facultade de Filoloxía (Edificios D e E)
Edificio D: Salón de Actos
Edificio E: Aulas 1201, 1202, 1203 e 1204


Warning: Unknown: 1 result set(s) not freed. Use mysql_free_result to free result sets which were requested using mysql_query() in Unknown on line 0