Montes, territorio e paisaxe

27 e 28 de setembro de 2018

Información

A organización do territorio constitúe un dos factores da identidade galega, como teñen sinalado diversos estudosos e intelectuais, e de modo particular os membros da Xeración Nós, comezando por Ramón Otero Pedrayo, para quen a paisaxe está formada non só pola aparencia que na superficie adoptan os feitos xeográficos, senón tamén polas estruturas comunitarias e por valores de tipo espiritual e cultural que as persoas senten como algo propio, un patrimonio que dá sentido ás súas vidas e que lles serve para entender “a xeografía afectiva” das familias que se sucederon en aldeas e parroquias.

E desas estruturas comunitarias formaban parte os montes, unha parte substancial do espazo galego, xestionados ao longo do tempo de modo colectivo e, sen dúbida, eficiente, pois doutro xeito non se conservarían durante séculos. A integración do monte na pequena explotación labrega é un feito ben coñecido e tamén o son os cambios que se produciron nas últimas décadas, coa desaparición dos campesiños, e os novos modos de aproveitamento das terras, así como o despoboamento e abandono de labranzas e montes. A estes procesos, que teñen resultados moi diferentes no territorio, engádense os novos valores patrimoniais que adquire a paisaxe (recollidos parcialmente na nova Lei do Patrimonio Cultural de Galicia), a necesidade da súa protección e a crecente capacidade dos diversos poderes públicos de intervir na ordenación do territorio mediante plans de alcance diverso, construción de infraestruturas e medidas lexislativas que afectan aos usos dos diferentes espazos. Estas xornadas están orientadas precisamente ao estudo e debate do protagonismo que están acadando os montes como soporte dun patrimonio variado e como peza fundamental na ordenación do territorio, e completan en certo modo as realizadas hai agora un ano, nas que os montes se analizaron máis ben desde unha perspectiva histórica.

Materiais

programa

Edelmiro López Iglesias: Desestruturación do medio rural e mudanzas nos usos do monte, Que alternativas hai fronte ao problema do abandono

documento

Ricardo Suárez García: Cambios produtivos, desarticulación e reinvención dos Montes Veciñais en Man Común

documento

Eduardo Corbelle Rico: Mesa redonda Vellas paisaxes, novas paisaxes e procesos de eleaboración dos atlas e catálogos das mesmas

documento

María Dolores Domínguez García: Mesa redonda Vellas paisaxes, novas paisaxes e procesos de eleaboración dos atlas e catálogos das mesmas

documento

Antonio Martínez Cortizas: Mesa redonda Vellas paisaxes, novas paisaxes e procesos de eleaboración dos atlas e catálogos das mesmas

documento

Augusto Pérez Alberti: Factores e dinámicas nas paisaxes de montaña

Prensa

26-09-2018

Unha xornada do Consello da Cultura Galega analiza o papel do territorio na construción da identidade

21-09-2018

A internacionalización do libro e o papel do monte centran as próximas actividades do Consello da Cultura Galega

Ficha técnica

Montes, territorio e paisaxe

Xornada. 27 e 28 de setembro de 2018
Coordinación
Pegerto Saavedra Fernández
Iago Seara Morales
Inauguración
Rosario Álvarez
Relator/a
Rebeca Blanco Rotea
Eduardo Corbelle Rico
Felipe Criado Boado
María Dolores Domínguez García
Vanessa Fernández
Santiago Hernández Fernández
Carlos Lefler
José Manuel López Andión
Edelmiro López Iglesias
Federico López Silvestre
Antonio Martínez Cortizas
Carlos Nárdiz Ortiz
Teresa Nieto
Augusto Pérez Alberti
Iago Seara Morales
Colabora
Proxecto HAR2014-52667-R.

Organiza
Sección de Patrimonio e Bens Culturais (CCG)

LUGAR
Consello da Cultura Galega
Pazo de Raxoi, 2º andar
Praza do Obradoiro, s/n
15705 Santiago de Compostela
Tel.: 981 957 202 / Fax: 981 957 205

Montes

Montes, territorio e paisaxe

Información

Solicita a túa inscrición

Inauguración

Os montes galegos: unha lectura arqueolóxica

Homo fugiens: da patrimonialización do ermo ás poéticas da fuxida

A paisaxe dos Ancares: tres miradas a un mesmo territorio

O monte, ben cultural artellador da "paisaxe cultural" galega