encontro

1º Encontro da edición galega e portuguesa

Martes, 25 de setembro de 2018
Compartir:
Información

O Consello da Cultura Galega colabora coa Asociación Galega de Editoras (AGE) acollendo o "1º Encontro da edición galega e portuguesa", organizado pola AGE e que se desenvolverá no Salón de Actos do Consello da Cultura Galega o martes, 25 de setembro de 2018.

O gremio editorial galego reúne a diferentes expertos da escrita, da edición, da promoción da lingua e da distribución para retomar o debate histórico sobre un posible intercambio comercial, normalizado, entre o sector do libro galego e o portugués.

Tres mesas redondas vertebran o programa, en xornada de mañá e de tarde. A sesión da mañá iniciarase ás 10:30 horas coa mesa redonda: "Olladas desde a escrita", na que participarán José Viale Moutinho, escritor, Premio Rosalía de Castro, Teresa Moure, escritora e profesora na USC, Carlos Quiroga, escritor e profesor na USC e Suso de Toro, escritor, Premio Nacional de Narrativa.

A sesión da mañá continúa coa mesa redonda "Olladas desde a promoción da lingua", con Carla Sofía Amado, Instituto Camões de Vigo, Carlos Nogueira , profesor na UVigo e Elisabete Ramos, tradutora e autora de Portugalizar.

O "1º Encontro da edición galega e portuguesa" rematará pola tarde coa mesa redonda "Olladas desde a edición e a distribución" que se iniciará ás 16:30 horas e contará coa participación de Luis Catarino, Deriva Editora, Dora Forcas, Distribuidora Bertrand, Margarida Noronha, Kalandraka Portugal e Glicéria Pereira, FNAC Lisboa.

Máis información: http://www.editorasgalegas.gal/

Ficha técnica
1º Encontro da edición galega e portuguesa
1º Encontro da edición galega e portuguesa
Encontro. Martes, 25 de setembro de 2018

LUGAR:
Consello da Cultura Galega
Pazo de Raxoi, 2º andar
Praza do Obradoiro, s/n
15705 Santiago de Compostela
Tel.: 981 957 202 / Fax: 981 957 205