KARL MARX. 1818/2018

13 e 14 de novembro de 2018
Temáticas: Filosofía |
Información

As prazas están esgotadas. Envíanos un e-mail a difusion@consellodacultura.gal e incluiremos os teus datos na listaxe de agarda.

As xornadas “Karl Marx. 1818/2018” pretenden conmemorar o bicentenario do nacemento deste pensador de xigantesca influencia histórica. Non é esaxerado afirmar que algunhas das súas ideas forman parte de nós e que sexamos nalgún aspecto marxianos sen sabelo, como somos galileanos noutro campo e que tamén, dalgún modo, algo dos nosos marcos vitais remita a el.

Coa distancia privilexiada do tempo, co legado da interminable reelaboración e crítica da súa obra a cargo de tantas figuras de relevo, de Kautsky e Lenin a Gramsci e Lukács, de Korsch a Habermas ou Harvey; despois de tantos acontecementos históricos que se reclamaban do seu nome, da Revolución Rusa á Revolución china ou cubana, a tantos movementos emancipatorios en todo o mundo; despois de que se declarase o imperio dun sistema único como fin da historia dominado polo neoliberalismo, e en medio dunha das crises económicas máis grandes habidas que fixo aflorar de maneira nova o interese polo xenio de Tréveris, parece máis indicado, se cabe, con motivo do seu aniversario, a abordar o seu pensamento inquirindo nel o que pode iluminar a nosa realidade.

Imaxe da portada: Karl Marx (1818-1883) (ca. 1865), fotografía de Roger Viollet, Collection/Getty Images (modificada) [https://es.wikipedia.org/wiki/Karl_Marx]

Ficha técnica
KARL MARX. 1818/2018
KARL MARX. 1818/2018
Xornada. 13 e 14 de novembro de 2018
Coordinación
Jorge Álvarez Yágüez
Ramón Máiz Suárez
Organiza
Sección de Pensamento e Sociedade (CCG)

LUGAR
Consello da Cultura Galega
Pazo de Raxoi, 2º andar
Praza do Obradoiro, s/n
15705 Santiago de Compostela
Tel.: 981 957 202 / Fax: 981 957 205