obradoiro

Obradoiro de ferramentas básicas para a difusión web do patrimonio

Martes, 13 de novembro de 2018
Compartir:
Información

A Sección de Patrimonio e Bens Culturais do Consello da Cultura Galega propón conmemorar o Día Internacional do Patrimonio Mundial (16 de novembro) e convida aos arquivos, bibliotecas e museos de Galicia a celebrar de forma conxunta a Semana do patrimonio moble  (12 ao 18 de novembro) con diversas accións que contribúan a dar visibilidade ao patrimonio que custodian e á propia función social que desenvolven. Ademais da campaña de difusión da “peza do ano” que xa coñecen, pon en marcha un obradoiro formativo a cargo de profesionais de recoñecido prestixio que procuran dar a coñecer como a tecnoloxía pode axudar a difundir o patrimonio.

OBRADOIRO DE FERRAMENTAS BÁSICAS PARA A DIFUSIÓN WEB  DO PATRIMONIO
Día: martes, 13 de novembro de 2018
Lugar: Aula de Informática da Facultade de Xeografía e Historia. Santiago de Compostela
Horario: 10.00 a 14.00 horas e de 15.00 a 18.00 h
Profesor: Xoán Manuel Pérez Lijó (Biblioteca Municipal de Ames)
Breve achega curricular do docente Xoán Manuel Pérez Lijó
Formación:
- Licenciado en Xeografía e Historia, especialidade en arquivística e biblioteconomía, USC, 1993
- Postgrao en Xestión da información e documentación, USC, 1994
- Licenciado en Documentación, UOC, 2013
Xestor de información e documentación en empresas e na administración pública desde o ano 1996. Desde o ano 2004 até a actualidade Axudante de bibliotecas no concello de Ames co cargo de dirección entre 2004 e 2011. Realización de actividades relacionadas coa xestión de información como a xestión de bases de datos, migracións de datos, elaboracións de manuais de procedemento de procesos técnicos, xestión de arquivos e bibliotecas. No aspecto profesional asociativo, membro da Xunta directiva de Bamad Galicia, responsable das redes sociais desta e doutras entidades e participa no grupo de traballo de Defensa da Profesión de Fesabid.
Programa:
1.- Que son as redes sociais definición e uso das mesmas
2.- “Tipoloxías” de redes sociais
2.1.- Tipos
2.2.- GLAAM: as institucións da memoria na Wikipedia
2.3.- Onde están os nosos usuarios?
2.4.- Fortalezas e Amezas
3.- Planificación do uso das redes sociais nas institucións da memoria
3.1.- Proxecto: elección de ferramentas e traballo práctico 
Obxectivos:
- Coñecer ferramentas TIC para as entidades da memoria
- Analizar e decidir o uso de aquelas redes sociais que mellor se adapten aos nosos servizos
- Realizar proposta de uso práctico de redes sociais para os nosos servizos
Resumo contido:
Coñecemento e análise do uso das redes sociais para as entidades da memoria. Coñecemento de ferramentas de análise das mesmas. Coñecer a planificación do uso e os riscos que entraña a utilización destas ferramentas. Realización de casos prácticos de uso das mesmas.

 

Ficha técnica
Obradoiro de ferramentas básicas para a difusión web do patrimonio
Obradoiro de ferramentas básicas para a difusión web do patrimonio
Obradoiro. Martes, 13 de novembro de 2018

Aula de Informática
Facultade de Xeografía e Historia
Praza da Universidade, s/n 15705
Santiago de Compostela