O Consello da Cultura Galega (CCG) presenta mañá martes, 29 de xaneiro, dúas publicacións que ofrecen unha nova lectura sobre a relación da arte con outros contextos. Unha delas titúlase Arte+educación e pretende reflexionar sobre a educación artística. A outra chámase Arte+coleccionismo e reflexiona sobre a arte desde o punto de vista dos coleccionistas. Ambos os dous textos teñen a súa orixe en dúas xornadas homónimas desenvolvidas no CCG. A presentación correrá a cargo da presidenta da institución, Rosario Álvarez, xunto co coordinador da Sección de Creación e Artes Visuais Contemporáneas, Manuel Quintana Martelo. Canda eles estarán presentes as editoras dos libros: Natalia Poncela no primeiro caso, e Rosario Sarmiento máis Marisa Sobrino no segundo. 

 

Datos da presentación

Data: martes, 29 de xaneiro de 2018, ás 11:30 horas 
Lugar: Biblioteca do Consello da Cultura Galega

 

Solicita a túa inscrición