O programa IN SITU pretende crear outros lugares de reflexión fóra do habitual espazo dos Encontros Monográficos co Patrimonio Cultural e trasladar o espazo de debate ao contexto xeográfico e social dos bens. Os conxuntos históricos onde se desenvolveron os Encontros (Vigo, Ferrol, Ourense-Ribadavia) querían mostrar a diversidade das situacións en que se atopan estes conxuntos e introducir no debate os aspectos complexos do encontro arredor da protección patrimonial da cidade histórica.

Pódese seguir nestes enlaces os debates xerados nos tres lugares analizados:

• Vigo: O Casco Vello de Vigo. A memoria, a relación coa cidade e as intervencións públicas na rexeneración urbana (http://consellodacultura.gal/evento.php?id=200724)

• Ferrol: Ferrol Vello e A Madalena. As estratexias de recuperación patrimonial, rehabilitación e rexeneración urbana (http://consellodacultura.gal/evento.php?id=200736)

• Ourense: Os cascos históricos de Ourense e Ribadavia. O planeamento especial visto a través de 20 anos de experiencia na xestión patrimonial (http://consellodacultura.gal/evento.php?id=200724)

Este último encontro está estruturado como tres mesas de debate consecutivas arredor de tres temáticas que se analizaron de forma transversal nos tres encontros anteriores, polo que participarán nelas os relatores dos propios In Situ. A primeira mesa estará centrada na patrimonialización dos conxuntos históricos e a participación cidadá neste proceso e na toma de decisións que lles afectan; a segunda xirará ao redor da ordenación, a relación coa cidade e o plan especial como instrumento; e a terceira tratará a rehabilitación física e social dos conxuntos históricos, as políticas públicas e o fomento.

Solicita a túa inscrición

Warning: include(inc_eventos_serie2.php) [function.include]: failed to open stream: No such file or directory in /var/www/html/consello/html/www/evento.php on line 425

Warning: include() [function.include]: Failed opening 'inc_eventos_serie2.php' for inclusion (include_path='.:/usr/share/pear:/usr/share/php') in /var/www/html/consello/html/www/evento.php on line 425