congreso

LES PAYSAGES BRETAGNE GALICE

Rennes - 8 e 9 de marzo de 2019
Información

Proseguindo iniciativas como os congresos sobre Galicia-Irlanda ou Galicia-Finlandia, no ano 2017 o Consello da Cultura Galega organizou o congreso Galicia-Bretaña, cun enfoque comparado, que aspiraba a marcar unha axenda de colaboracións permanentes. O encontro tivo lugar entre os días 30 de outubro e 1 de novembro e levaba como título Galicia-Bretaña: un enfoque comparado de dous finisterrae europeos. Para este congreso, contabamos coa colaboración da Université de Rennes-2 e coa presenza entre nós de distinguidos investigadores de varias universidades bretonas, que estiveron acompañados por unha nutrida nómina de expertos galegos procedentes tamén de varias universidades.

Froito daquela colaboración, neste 2019 xorde un novo encontro en Rennes no que especialistas de Galicia e Bretaña seguen a debullar as relación entre ambos fisterres europeos. Será os vindeiros días 8 e 9 de marzo de 2019 no Campus Villejean da Université Renes-2. Pola parte galega viaxarán Rosario Álvarez Blanco, Ramón Villares, Rebeca Blanco Rotea, Augusto Pérez Alberti, Inés Santé, María López Sandez e Xesús Alonso Montero, quen será homenaxeado pola universidade bretoa.

Ficha técnica
LES PAYSAGES BRETAGNE GALICE
LES PAYSAGES BRETAGNE GALICE
Congreso. Rennes - 8 e 9 de marzo de 2019
Organiza
Consello da Cultura Galega
Université Rennes 2

LUGAR:
Université Rennes 2 - Campus Villejean
Salle des conseils, bât. P
Salle Jacques Léonard, bât. A
Rennes