O Consello da Cultura Galega presenta mañá venres (11:30 horas) o proxecto web “Lousas”. Trátase dunha iniciativa do Arquivo Sonoro de Galicia que pon na rede patrimonio sonoro galego rexistrado en pedra, que se coñece popularmente como os “discos de pizarra”. Na presentación estarán Dolores Vilavedra, secretaria do Consello da Cultura Galega; Xosé Ramón Pousa, director do Arquivo Sonoro de Galicia; e Cristina Pujales, coordinadora técnica do Arquivo Sonoro de Galicia. Na rolda daranse conta da relevancia deste patrimonio sonoro e do proxecto de difusión. 

Datos da rolda de prensa

Data: venres, 29 de marzo de 2019, ás 11:30 horas
Lugar: Consello da Cultura Galega

Asisten:

Dolores Vilavedra, Secretaria do Consello da Cultura Galega
Xosé Ramón Pousa, director do Arquivo Sonoro de Galicia
Cristina Pujales, coordinadora técnica do Arquivo Sonoro de Galicia