18:00 horas
Presentación
18:15 horas
Homenaxe a Rosa Luxemburgo, un século despois do seu asasinato
María Xosé Queizán dialoga con Celia Pereira Porto
María Xosé Queizán
Catedrática de Lingua e Literatura Galegas. Iníciase como articulista no diario El Pueblo Gallego de Vigo, xénero que fomentará sempre en xornais e revistas até a actualidade.
Escritora polígrafa, cultiva a narración (novelas e relatos), ensaio, poesía, teatro, biografía, dramaturxias (varias no teatro experimental da Asociación da Prensa de Vigo ou como creadora do Teatro Popular Galego, na Asociación Cultural de Vigo, onde dirixiu a obra de J. P. Sartre A puta respectuosa no ano 1968, no teatro García Barbón). Realizou tamén guións de cine e de vídeo (dous foron premiados), traduciu a Marguerite Yourcenar, Karen Blixen, Charlotte Perkins Gilman, Emilia Pardo Bazán, varias escritoras canadianas e 8 poemas de trobairitz, entre outras. Tamén é editora (Festa da Palabra Silenciada e As Literatas en Xerais), labor polo que recibiu o Premio da Asociación Galega de Editoras (2019).
Algúns premios anteriores: Alecrín, Parque en Vigo, Letra E de Galega na súa terra da AELG (da que tamén foi nomeada socia de honra), Mulleres Destacadas (1993), Premio Voz da Liberdade do Pen Club (2011), 1º Premio de Mulleres en Acción do Grupo de Mulleres da Mostra Internacional de Teatro de Cangas (2012), Premio Irmandade do Libro (2013), III Día das Galegas nas Letras, A Sega (2016), Premio da Cultura Galega na modalidade de Letras da Consellería de Cultura da Xunta de Galicia (2016), Premio Lois Peña Novo (2017), Otero Pedrayo (2018), Ernestina Otero (2019), entre outros.
Celia Pereira Porto
Doutora en Dereito (2000). Premio Extraordinario de Licenciatura (1994). Investigadora e docente da área de Filosofía do Dereito na Universidade da Coruña até o 2005. Desde esa data exerce como avogada laboralista. Membro do Padroado da Fundación Praza Pública, secretaria da Fundación Vicente Risco e membro da Sección de Pensamento do Consello da Cultura Galega. Autora de diversos libros e artigos sobre a igualdade de xénero desde unha perspectiva iusfilosófica. Editora da primeira tradución ao galego de O meu pecado mortal. O voto feminino mais eu, de Clara Campoamor.
