EN MODO CONVERSA

A DIALÉCTICA DA MODA: DESEÑO, ARTE, INDUSTRIA E MERCADOS NA GALICIA DO SÉCULO XXI

Deseño, arte, industria e mercados na Galicia do século XXI

Martes, 26 de novembro de 2019
Información

Empregando un formato de diálogo, EN MODO CONVERSA trata de establecer un espazo de reflexión sobre as manifestacións culturais dos nosos tempos a partir da participación de diferentes profesionais da creación, a investigación e o emprendemento nun panel composto por tres ou catro persoas aberto á participación do público.

Cada encontro consistirá nunha charla entre diferentes axentes da actividade creativa: artistas, profesionais do deseño, a xestión empresarial e cultural, persoal docente e da creación transversal. A partir dunha serie de temas propostos procúrase unha visión panorámica sobre a situación das actividades con transcendencia cultural na Galicia do século XXI.

Desta volta, apoiados por un eixe de preguntas nunha conversa a varias bandas, afondarase no papel que están a desenvolver as institucións de ensinanza no ámbito da moda e o deseño. Debaterase con responsables de empresas e profesionais do deseño do ámbito da moda, dos obxectos de edición e o deseño, sobre cales son as teimas con que se atopan e cales os retos que teñen de superar; cal é a súa relación cos mercados e cal o contacto con espazos de estudo e formación, cal é o contacto coa academia ademais de canto é necesario estar na vangarda.

Nesta actividade participan profesionais da investigación, da docencia, do empresariado, do deseño e da creación. En suma, profesionais de recoñecida experiencia pertencentes a distintas organizacións dedicadas á moda, ao deseño e á industria téxtil dende Galicia no noso tempo.

Ficha técnica
A DIALÉCTICA DA MODA: DESEÑO, ARTE, INDUSTRIA E MERCADOS NA GALICIA DO SÉCULO XXI
A DIALÉCTICA DA MODA: DESEÑO, ARTE, INDUSTRIA E MERCADOS NA GALICIA DO SÉCULO XXI
Xornada. Martes, 26 de novembro de 2019
Coordinación
Sofía Santos Pérez
Rosario Sarmiento
Organiza
Consello da Cultura Galega
Sección de Creación e Artes Visuais Contemporáneas (CCG)
Modera
Román Padín Otero
Relator/a
Lola Dopico
Tamara Feijoo
Charo Froján
Alfredo Olmedo

LUGAR
Consello da Cultura Galega
Pazo de Raxoi, 2º andar
Praza do Obradoiro, s/n
15705 Santiago de Compostela
Tel.: 981 957 202 / Fax: 981 957 205