Encontro

Que poden facer as técnicas de análise non destrutiva pola restauración e conservación do Patrimonio?

  1. Inicio
  2. Eventos
  3. Encontro
  4. Encontros Monográficos co Patrimonio Cultural

Encontro. Encontros Monográficos co Patrimonio Cultural

Que poden facer as técnicas de análise non destrutiva pola restauración e conservación do Patrimonio?

Encontros Monográficos co Patrimonio Cultural

25 e 26 de xaneiro de 2021
Santiago de Compostela
Encontro
Encontros Monográficos co Patrimonio Cultural

Que poden facer as técnicas de análise non destrutiva pola restauración e conservación do Patrimonio?

Encontros Monográficos co Patrimonio Cultural

25 e 26 de xaneiro de 2021 Santiago de Compostela
A restauración-conservación é unha disciplina que foi evolucionando ao abeiro dos avances tecnolóxicos, dende os seus inicios até a actualidade, e na que as novas tecnoloxías revelan detalles moi minuciosos das obras de arte. O desenvolvemento tecnolóxico serve na restauración ao afondar no coñecemento das obras e, así, formular novas estratexias e sistemas de intervención que reverten nunha mellor conservación dos bens culturais e patrimoniais. Hoxe en día non se entende a restauración-conservación do patrimonio sen a realización dunha análise científica previa da obra en cuestión.

As metodoloxías científicas existentes na actualidade son diversas pero moitas adoitan ter un carácter destrutivo que imposibilita o seu uso sobre os bens culturais. A concienciación do carácter destrutivo da toma de mostra impulsou o desenvolvemento de tecnoloxías non destrutivas que evitan este proceso. Dende o simple exame organoléptico até o uso de todo tipo de radiacións do espectro electromagnético para analizar as obras e, ao mesmo tempo, manter a súa integridade e valor cultural, foi un longo camiño que está a dar o seu froito no desenvolvemento de equipos portátiles que permiten ademais realizar os estudos a pé de obra.

A medida cuantitativa da composición química e da cor mediante espectrofotómetro de reflexión e espectroscopia de fluorescencia de raios X portátiles, a medida de humidade a distintas profundidades nas paredes de edificacións mediante sondas de humidade por microondas sen perforación ou a monitorización da colonización biolóxica de superficies mediante fluorómetro portátil son exemplos do uso dalgunhas destas técnicas. O obxectivo deste encontro é mostrar, a través de casos prácticos realizados dentro e fóra de Galicia, a súa clara contribución tanto ao coñecemento e investigación no eido do patrimonio cultural como ao proxecto de conservación-restauración-rehabilitación, e debater arredor desta práctica coas persoas participantes.
ASISTENCIA
A actividade non será presencial. Será retransmitida a través do noso web e da nosa canle en Youtube nas horas indicadas e logo permanecerá na Mediateca para consultas futuras.
- O luns 25 de xaneiro subirase a emisión gravada dos relatorios e o martes 26 de xaneiro terá lugar o debate ás 18:00 horas.
Non é necesaria inscrición previa.
Se queres participar podes enviar previamente as túas preguntas ou facelo en directo durante os debates no correo participa@consellodacultura.gal
MAÍS INFORMACIÓN
www.consellodacultura.gal
difusion@consellodacultura.gal
Consulta os materiais en http://consellodacultura.gal
Programa
Que poden facer as técnicas de análise non destrutiva pola restauración e conservación do Patrimonio?
Programa en PDF
Prensa
24-01-2021

Os Encontros Monográficos sobre o Patrimonio Cultural reflexionan sobre a importancia e uso das tecnoloxías de análise

Temáticas
Patrimonio
Ficha técnica 
Encontro.
Encontros Monográficos co Patrimonio Cultural
Que poden facer as técnicas de análise non destrutiva pola restauración e conservación do Patrimonio?
Encontros Monográficos co Patrimonio Cultural
Cando
25 e 26 de xaneiro de 2021
Onde
Santiago de Compostela
Coordinación
Beatriz  Prieto Lamas
Relator/a
Beatriz  Prieto Lamas
Patricia Sanmartín Sánchez
Daniel Vázquez Nion
Organiza
Consello da Cultura Galega
Sección de Patrimonio e Bens Culturais (CCG)