Esta serie de entregas audiovisuais, a modo de pílulas culturais, ten por obxectivo tomarlle o pulso á cultura galega nesta situación de parálise provocada pola COVID-19.
Diferentes voces dos múltiples ámbitos que abrangue o complexo sector cultural achegarannos as súas percepcións sobre a realidade que están a vivir mediante breves diálogos moderados por persoas vinculadas ao Consello da Cultura Galega. Coñeceremos así tamén as súas expectativas de futuro a curto e medio prazo e mais que medidas cren necesario adoptar para paliar os estragos que está a causar no mundo da cultura. O obxectivo é tecermos unha radiografía polifónica da cultura confinada desde Galicia, coas súas perspectivas e demandas para un futuro inmediato.
Con esta aposta, xunto cos informes que está a realizar do xeito continuo o Observatorio da Cultura Galega e co traballo xornalístico do seu portal de divulgación cultural culturagalega.gal, o Consello da Cultura Galega quérese facer eco da preocupación do mundo da cultura e contribuír a sumar propostas que enriquezan o debate sobre o futuro dun sector, o cultural, que se demostrou esencial para as nosas vidas.
Nesta segunda entrega de Diálogos confinados, Xermán Hermida, redactor de culturagalega.gal, dialoga con:
Abi Castillo
Graduada en Belas Artes pola Universidade de Vigo e formación en cerámica artística pola EMAO (Escola de Artes e Oficios de Vigo) . Ilustradora dos libros Pioneiras 2, Tres bichicomas, dúas illas e unha serea e Fina a Pirata, realizou varios murais, exposicións e intervencións artísticas, ademais de numerosos traballos de deseño, entre eles a colaboración co grupo INDITEX para o proxecto WOMEN IN ART para ZARA 2019. Bea Lema
Bea Lema é debuxante de cómics e ilustradora. Actualmente é a presidenta da Asociación Galega de Profesionais da Ilustración (AGPI). Formada como deseñadora de produto pola Universidade da Coruña, comeza a súa traxectoria profesional en 2010 traballando para a firma de cerámica Sargadelos. Desde 2013 desenvolve o seu traballo de forma independente, realizando proxectos para o Certame Coreográfico de Madrid, O Salto Galiza, Fuera de Margen, Unitaria, Nave 1839, Bibliotecas Municipais da Coruña ou a Xunta de Galicia. En 2017 recibe o XII premio Banda Deseñada Castelao da Deputación da Coruña con O Corpo de Cristo.
Neste encontro debullan a situación do sector da ilustración que, indican, xa viña arrastrando unha gran precariedade e que agora está a sufrir cancelacións e aprazamentos de encargas. Bea Lema destaca unha enquisa realizada pola FADIP (Federación de Asociacións de Ilustradores Profesionais) en que as socias indican unha capacidade de supervivencia económica de tres meses nestas circunstancias de parón e que a maioría non pode acollerse ás axudas estatais para autónomos polas intermitencias nas altas. O demandado estatuto do artista, o perigo dos contidos gratuítos, a baixada de prezos e a necesidade de reiventarse para poder sobrevivir foron algúns dos outros temas abordados polas ilustradoras.
LUGAR Consello da Cultura Galega
Pazo de Raxoi, 2º andar
Praza do Obradoiro, s/n 15705
Santiago de Compostela
Tel.: 981 957 202 / Fax.: 981 957 205
MAÍS INFORMACIÓN Esta serie de entregas audiovisuais, a modo de pílulas culturais, ten por obxectivo tomarlle o pulso á cultura galega nesta situación de parálise provocada pola COVID-19.
Diferentes voces dos múltiples ámbitos que abrangue o complexo sector cultural achegarannos as súas percepcións sobre a realidade que están a vivir mediante breves diálogos moderados por persoas vinculadas ao Consello da Cultura Galega. Coñeceremos así tamén as súas expectativas de futuro a curto e medio prazo e mais que medidas cren necesario adoptar para paliar os estragos que está a causar no mundo da cultura. O obxectivo é tecermos unha radiografía polifónica da cultura confinada desde Galicia, coas súas perspectivas e demandas para un futuro inmediato.
Con esta aposta, xunto cos informes que está a realizar do xeito continuo o Observatorio da Cultura Galega e co traballo xornalístico do seu portal de divulgación cultural culturagalega.gal, o Consello da Cultura Galega quérese facer eco da preocupación do mundo da cultura e contribuír a sumar propostas que enriquezan o debate sobre o futuro dun sector, o cultural, que se demostrou esencial para as nosas vidas.
ASISTENCIA A inscrición é gratuíta.
O número de prazas é limitado (100 persoas).
As prazas cubriranse por rigorosa orde de inscrición.
Entregarase diploma acreditativo de asistencia á xornada.
Para obter o diploma é preciso asistir ao 75% das sesións.
