Mesa redonda

A diversidade afectivo-sexual en tempos de pandemia

  1. Inicio
  2. Eventos
  3. LGTBIQ+

LGTBIQ+

A diversidade afectivo-sexual en tempos de pandemia

Día do Orgullo 2020

Mesa redonda. Venres, 26 de xuño de 2020
Información
LGTBIQ+

A diversidade afectivo-sexual en tempos de pandemia

Día do Orgullo 2020

Mesa redonda. Venres, 26 de xuño de 2020
“Que significa para vós celebrar o Orgullo?” Con esta pregunta comeza este coloquio, organizado pola Sección de Pensamento e conducido por Carme Adán, con motivo do Orgullo LGTBI que se celebra anualmente o 28 de xuño. Nel participan Eva Mejuto - divulgadora, activista e organizadora do festival Pinto ou maragota no Concello de Pontevedra- e Enrique Latorre, investigador na Facultade de Ciencias da Educación da USC con intereses nos Estudos Sociais da Ciencia e da Tecnoloxía (CTS), nas epistemoloxías feministas e nos Estudos sobre sexualidades non normativas. Presentamos un intercambio de ideas, experiencias e impresións sobre os activismos LGBTI e as vivencias nestes tempos de confinamento. Temas como a educación ou a relación co feminismo forman parte da conversa. Así, as contertulias abordan un percorrido polas aulas, con especial énfase na “Rede educativa galega de apoio LGBTI” e o seu traballo nos centros de ensino. Asemade, non foxen da reflexión sobre os espazos compartidos cos feminismos e as tensións que por momentos agroman a respecto do queer. Por último, coa mirada posta na realidade galega e recoñecendo un pasado de disidencias, activismos e loitas avógase por recoñecer a importancia da comunidade. Este é un bo momento para pensar na vulnerabilidade da vida humana que nos interpela e obriga, ao mesmo tempo, a reflexionar con profundidade sobre os afectos que habitamos. Son tempos de afianzar as conquistas de liberdade logradas, de intensos debates e propostas de futuro. Ser feliz segue a ser revolucionario.
Prensa
26-06-2020

O Consello da Cultura Galega aborda cun coloquio a diversidade sexual na véspera do Día do Orgullo

Temáticas
Igualdade Filosofía
Ficha técnica
Mesa redonda.
LGTBIQ+
A diversidade afectivo-sexual en tempos de pandemia
Día do Orgullo 2020
Data
Venres, 26 de xuño de 2020
Modera
Carme Adán Villamarín
Participante
Enrique Latorre
Eva Mejuto
Ámbito
Centro de Documentación en Igualdade e Feminismos (CCG)
Lugar

Consello da Cultura Galega
Pazo de Raxoi, 2º andar
Praza do Obradoiro, s/n 15705
Santiago de Compostela
Tel.: 981 957 202 / Fax.: 981 957 205