FESTIVAL DE FILOSOFÍA

LIBRES: EN SERIO???
Mito, realidade ou posverdade
25-26.09 - 2020. Santiago de Compostela
Onde comeza e termina a nosa liberdade? Poder elixir entre diferentes plataformas de lecer, poder escoller os nosos amigos ou amantes a través da tecnoloxía implica ser libres? Se cadra nunha sociedade que foxe da ética, e fai da política un espectáculo, a liberdade non e máis que o último mito da modernidade. Velaquí, para o seu debate, algúns dos usos actuais da noción de liberdade. O Festival de Filosofía quere celebrar o pensamento crítico e a vontade de buscar liñas de fuga nunha sociedade acelerada e pouco reflexiva. Pretendemos achegar a reflexión a toda a sociedade incidindo na importancia do pensamento para abordar cuestións importantes do momento actual como é o caso da liberdade, a pluralidade, a democracia.
Así, de xeito provocador, queremos cuestionar a nosa liberdade. É un mito máis, unha nova posverdade ou o fundamento para unha sociedade máis xusta no futuro?

Tinder, poliamor e outras formas de amar

Sábado, 26 de setembro ás 10:00 horas
Información
PRAZAS ESGOTADAS. Abrirase unha listaxe de agarda. As persoas interesadas poden enviar un correo a difusion@consellodacultura.gal
A actividade tamén se poderá seguir en directo por streaming dende o noso web institucional: http://consellodacultura.gal/. Na canle de youtube da institución a mesa permanecerá gravada e dispoñible para ser consultada no futuro.

É posible unha ética do amor?, As tecnoloxías mudaron tanto o noso xeito de amar?, Que é iso do poliamor?, E patriarcal o amor?, Non hai (ou debería haber) un vencello entre amar e ser libres?
Ficha técnica
Tinder, poliamor e outras formas de amar
Tinder, poliamor e outras formas de amar
Mesa redonda. Sábado, 26 de setembro ás 10:00 horas
Modera
Inmaculada López Silva
Relator/a
Francisco Castro Veloso
Valérie Tasso
Organiza
Consello da Cultura Galega
Sección de Pensamento (CCG)

Consello da Cultura Galega
Pazo de Raxoi, 2º andar
Praza do Obradoiro, s/n
15705 Santiago de Compostela
Tel.: 981 957 202 / Fax: 981 957 205