Arquivos, mulleres e tradición

Xornada.

Arquivos, mulleres e tradición

XORNADA EN LIÑA - 13, 14 e 15 de outubro de 2020
Santiago de Compostela

Xornada

Arquivos, mulleres e tradición

XORNADA EN LIÑA - 13, 14 e 15 de outubro de 2020 Santiago de Compostela

"Arquivos, mulleres e tradición" pretenden ser unhas xornadas interdisciplinares e colaborativas que poñan o foco na muller como portadora de coñecemento patrimonial e xeradora de materiais de arquivo. De xeito complementario ao seminario "Os arquivos sonoros: memoria e patrimonio" (5 e 6 de febreiro de 2020), estas xornadas achegan un punto de vista centrípeto, unha ollada crítica ás fontes primarias conservadas no Arquivo Sonoro de Galicia do Consello da Cultura Galega.
Etnomusicólogas, antropólogas, filólogas, arqueólogas e artistas escénicas establecerán como obxecto das súas investigacións o material de arquivo legado por mulleres, co fin de analizar os contextos, as funcións sociais e as potencialidades artísticas que entrañan.
Esta proposta pretende ir máis alá do ámbito exclusivamente académico e tender pontes entre o Arquivo Sonoro de Galicia e outros colectivos de base que traballan co patrimonio cultural galego. Do mesmo xeito, quere establecer dinámicas colaborativas entre as forzas vivas da cultura do país, incluíndo na organización ao Centro de Documentación en Igualdade e Feminismos do CCG e a asociacións culturais dedicadas ao patrimonio inmaterial no ámbito comarcal do Morrazo.
As xornadas estrutúranse en sesións científicas, mesas redondas, documentación audiovisual, presentacións, conversas con informantes…, co fin de atraer a todas aquelas persoas sensibles co patrimonio inmaterial conservado nos arquivos.

ASISTENCIA
A actividade non será presencial. Será retransmitida a través do noso web e da nosa canle en youtube nas horas indicadas e logo permanecerá na Mediateca para consultas futuras.
Non é necesaria inscrición previa.
Se queres participar nos debates en directo podes facelo a través do correo participa@consellodacultura.gal

MAÍS INFORMACIÓN
www.consellodacultura.gal
difusion@consellodacultura.gal
Consulta os materiais en http://consellodacultura.gal