O venres, día 23 de xullo, ás 10:30 horas terá lugar no salón de actos do Consello da Cultura Galega a presentación da publicación Foro Patrimonio e Sociedade. Guía práctica para a análise dun sector clave na gobernanza do futuro.

Esta guía práctica é o resultado do fondo e minucioso traballo desenvolvido entre os meses de decembro de 2019 e abril de 2021 polo Foro “Patrimonio e Sociedade”, unha actividade promovida pola Sección de Patrimonio e Bens Culturais do CCG. Trátase dunha acción encamiñada á reflexión e desenvolvemento dunhas liñas estratéxicas arredor da xestión integral do patrimonio cultural na comunidade galega. A través deste foro pretendeuse identificar cales son os intereses que Galicia ten no patrimonio cultural, que simboliza para a comunidade ese patrimonio e, sobre todo, como se pode mellorar a súa xestión.

Solicita a túa inscrición