Os adeuses. Fotografías de Alberto Martí.

Ares, A Coruña, do 21 ao 31 de agosto de 2021
Información

O Consello da Cultura Galega e a Xunta de Galicia, a través do CGAI-Filmoteca de Galicia, reúnen nesta mostra, comisariada por José Caruncho, unha selección de 50 fotografías de Alberto Martí sobre o éxodo migratorio galego cara a América entre os anos 1957 e 1963 desde os portos da Coruña e Vigo, en Galicia.

A exposición abrangue tres áreas diferenciadas: A Ida, A Volta e O Buque Santa María (que cubría a ruta Caracas-Lisboa-Vigo e foi secuestrado polo Directorio Ibérico de Liberación [DRIL] en xaneiro de 1961).

A exposición está programada dentro das actividades da cuarta edición de Ares Indiano e pode verse en dous espazos: A Alianza Aresana e A Tenencia- Caamouco

.


Accede á A exposición en liña no noso web

Ficha técnica
Os adeuses. Fotografías de Alberto Martí. Alberto Martí.
Os adeuses. Fotografías de Alberto Martí.
Exposición. Ares, A Coruña, do 21 ao 31 de agosto de 2021
A exposición está repartida en dous espazos

"A ida" pode verse en Alianza Aresana (de 11:30 a 14:00 e de 18:30 a 21:00)

"A volta" pode verse en A Tenencia-Caamouco (de 11:30 a 13:30 e de 18:30 a 20:30).